গুৱাহাটী, 16 জুলাই : বানৰ কৱলত ৰাজ্যৰ 32 খনকৈ জিলা । প্ৰতিদিনে ক্ৰমাৎ জটিল হৈ পৰা বান পৰিস্থিতিক লৈ ব্যাহত হৈ পৰিছে যাতায়ত ব্যৱস্থা । উজনি-নামনিৰ বহু ঘাইপথ এতিয়া পানীৰ তলত । যাৰ বাবে ৰেল বিভাগে হাতত লৈছে এক বিশেষ পদক্ষেপ । যাত্ৰীৰ সুবিধাৰ্থে বহুকেইখন ৰেলত সংযোজন কৰা হ'ব অতিৰিক্ত ডবাৰ ।
বানপানী : ৰেল বিভাগৰ বিশেষ পদক্ষেপ
প্ৰতিদিনে ক্ৰমাৎ জটিল হৈ পৰা বান পৰিস্থিতিৰ বাবে ব্যাহত হৈ পৰা যাতায়ত ব্যৱস্থাক লৈ ৰেল বিভাগৰ বিশেষ পদক্ষেপ ৷ যাত্ৰীৰ সুবিধাৰ্থে বহুকেইখন ৰেলত অতিৰিক্ত ডবা সংযোজনৰ ব্যৱস্থা ৷
ৰেল বিভাগৰ বিশেষ পদক্ষেপ
জনশতাব্দী এক্সপ্ৰেছ, নিউ জলপাইগুৰি-আলিপুৰদুৱাৰ যাত্ৰীবাহী ৰেল, আলিপুৰদুৱাৰ-গুৱাহাটী যাত্ৰীবাহী ৰেল, গুৱাহাটী-মৰিয়নী, গুৱাহাটী-মেহন্দীপথাৰ যাত্ৰীবাহী ৰেলত এটাকৈ দ্বিতীয় শ্ৰেণীৰ ডবা সংযোজন কৰা হ'ব । তাৰোপৰি নিউ তিনিচুকীয়া-ৰঙিয়া এক্সপ্ৰেছ, ডিব্ৰুগড়-ৰঙিয়া এক্সপ্ৰেছ, নিউ তিনিচুকীয়াৰ পৰা ৰঙিয়ালৈ চলাচল কৰা ৰেলত দুটাকৈ দ্বিতীয় শ্ৰেণীৰ ডবা সংযোজন কৰাৰ ব্যৱস্থা কৰিছে ৰেল বিভাগে । কাইলৈৰ পৰা অহা ২৪ জুলাইলৈ চলিব এই অতিৰিক্ত ডবা সংযোজিত ৰেলসমূহ । ইতিমধ্যেই টুইটাৰযোগে এই কথা প্ৰকাশ কৰিছে কেন্দ্ৰীয় ৰেল মন্ত্ৰী পীয়ুষ গোৱেলে ।