আজি বৰ্ষাপাৰাত শ্ৰীলংকা আৰু বাংলাদেশৰ মাজৰ প্ৰথমখন ৱার্মআপ মেচ গুৱাহাটী, 29 ছেপ্টেম্বৰ : অহা ৫ অক্টোবৰৰ পৰা ভাৰতত অনুষ্ঠিত হ’বলগীয়া এদিনীয়া বিশ্বকাপ ক্ৰিকেটৰ মূল খেল অসমত অনুষ্ঠিত নহয় যদিও, চাৰিখনকৈ ৱার্ম আপ মেচ অনুষ্ঠিত হ'ব গুৱাহাটীৰ বর্ষাপাৰা ক্রিকেট ষ্টেডিয়ামত । শুকুৰবাৰে বিয়লি বর্ষাপাৰাত ক্ৰিকেট ষ্টেডিয়ামত অনুষ্ঠিত হ'ব ICC বিশ্বকাপ ক্ৰিকেটৰ প্ৰথমখন প্ৰস্তুতি মেচ । আজি শ্ৰীলংকা আৰু বাংলাদেশৰ মাজত অনুষ্ঠিত হ'ব প্ৰথমখন ৱার্ম আপ মেচ । বিয়লি দুই বজাৰ পৰা অনুষ্ঠিত হ'ব প্ৰথমখন খেল ।
আনহাতে 30 ছেপ্টেম্বৰত অনুষ্ঠিত হ'ব ভাৰত-ইংলেণ্ডৰ ৱার্ম আপ মেচ । ২ অক্টোবৰত ইংলেণ্ড-বাংলাদেশৰ খেল আৰু ৩ অক্টোবৰত আফগানিস্তান-শ্ৰীলংকাৰ ৱাৰ্ম আপ মেচ অনুষ্ঠিত হ’ব ।
প্রথমখন ৱার্ম আপ মেচৰ বাবে দৰ্শকৰ সমাদৰ আশাব্যঞ্জক নহয় যদিও, শনিবাৰে অনুষ্ঠিত হ'ব লগীয়া টীম ইণ্ডিয়া আৰু ইংলেণ্ডৰ ৱার্ম আপ মেচখনৰ বাবে দর্শকৰ সঁহাৰি আশাব্যঞ্জক বুলি জনাইছে এচিএৰ তৰফৰ পৰা । এই মেচখনৰ বাবে প্রায় ৩০ হাজাৰ টিকট ইতিমধ্যে বিক্রী হৈছে ৷ অনলাইন যোগে টিকটসমূহ বিক্ৰী কৰা হৈছে । আনহাতে খেলৰ চাৰিওটা দিনতেই পুৱা ৯ বজাৰ পৰা নিশা 12 বজালৈ 27 নং আৰু 17 নং ৰাষ্ট্ৰীয় ঘাইপথত চাৰি চকীয়া বাণিজ্যিক বাহন চলাচলত বাধা থাকিব ।
লখৰা ৰোড ওৱান ৱে কৰা হ'ব । খেল চাবলৈ আহোতে ষ্টেডিয়ামত প্ৰৱেশৰ ক্ষেত্ৰতো থাকিব কিছু নিৰ্দেশনা । 1A গেটেৰে পাছ থকা লোক সকলেহে প্ৰৱেশ কৰিব পাৰিব । খেল আৰম্ভ হোৱাৰ ৩ ঘণ্টাৰ পূৰ্বে খুলি দিয়া হ'ব গেট । টিকটত লিখি দিয়া নিৰ্দেশনাৱলী সকলোকে ভালদৰে পঢ়ি চাবলৈ আহ্বান ACA ৰ কৰ্তৃপক্ষৰ । লগতেই ষ্টেডিয়ামলৈ আহোঁতেই মানি বেগ আৰু মোবাইলৰ বাহিৰে সকলো সামগ্রী বাহিৰত থৈ আহিব লাগিব । ষ্টেডিয়ামৰ ভিতৰলৈ একো নিবলৈ দিয়া নহ'ব ।
লগতে পঢ়ক:Cricket World Cup 2023: ক্ৰিকেট বিশ্বকাপ; আঘাতপ্ৰাপ্ত অক্ষৰ পেটেলৰ ঠাইত ভাৰতীয় দলত আৰ অশ্বিনৰ প্ৰত্যাৱৰ্তন
