খাৰঘূলিত বিধ্বংসী অগ্নিকাণ্ড : জীৱন্তে অগ্নিদগ্ধ বৃদ্ধা

গুৱাহাটীৰ খাৰঘূলিত এটি পৰিত্যক্ত গৃহত অগ্নিকাণ্ড সংঘটিত হয় ৷ অগ্নিকাণ্ডত এগৰাকী অসহায় মহিলা জীৱন্তে অগ্নিদগ্ধ হয় ৷ মৃত বৃদ্ধা গৰাকীৰ নাম ধনমায়া বিশ্বকৰ্মা (৮৭) ৷

গুৱাহাটী, ৬ জানুবাৰী: বুধবাৰে গুৱাহাটীৰ খাৰঘূলিত সংঘটিত হয় বিধ্বংসী অগ্নিকাণ্ড ৷ এটি পৰিত্যক্ত গৃহত অগ্নিকাণ্ড সংঘটিত হোৱাত এগৰাকী অসহায় মহিলা জীৱন্তে অগ্নিদগ্ধ হয় ৷ এগৰাকী বৃদ্ধাই অকশৰে বাস কৰিছিল গৃহটোত ৷ বৰ্তমানলৈকে কি কাৰণত কেনেকৈ অগ্নিকাণ্ড সংঘটিত হ'ল জানিব পৰা হোৱা নাই যদিও বহু মূল্যবান সামগ্ৰী জুইত জাহ যায় ৷ মৃত বৃদ্ধা গৰাকীৰ নাম ধনমায়া বিশ্বকৰ্মা (৮৭) ৷

উল্লেখ্য যে, স্বামীৰ মৃত্যুৰ পাচত দীৰ্ঘদিনৰ পৰা অকলে বাস কৰিছিল বৃদ্ধা গৰাকীয়ে ৷ নিজ পুত্ৰ সন্তান থকাৰ পাচতো এদিনলৈও খবৰ লোৱা নাছিল বুলি অভিযোগ উত্থাপন কৰিছে স্থানীয় লোক সকলে ৷ সম্প্ৰতি ঘটনাস্থলীত অগ্নিনিৰ্বাপক বাহিনী উপস্থিত হৈ জুই নিৰ্বাপন কৰিবলৈ সক্ষম হোৱাৰ লগতে বৃদ্ধা গৰাকীৰ মৃত দেহ উদ্ধাৰ কৰে ৷

লগতে পঢ়ক:বিলাসীপাৰাত চিকিৎসাৰ অভাৱত কিশোৰীৰ আত্মহত্যা