শিলচৰ কাণ্ডৰ বিৰুদ্ধে হাতীগাঁও থানাত দাখিল FIR

অসমীয়া ভাষাক অপমান কৰাক লৈ সৰব হৈছে একত্ৰিত যুৱ পৰিষদ ৷ যাৰ বিৰুদ্ধে প্ৰদীপ দত্ত ৰয় আৰু ঋষিকেশ দত্তৰ নেতৃত্বাধীন সংগঠনৰ বিৰুদ্ধে হাতীগাঁও থানাত এজাহৰ দাখিল কৰে একত্ৰিত যুৱ পৰিষদে ৷

গুৱাহাটী, ১৯ অক্টোবৰ :অসমীয়া ভাষাত ক’লা ৰং লগোৱা বাঙালী সংগঠনৰ বিৰুদ্ধে সোচ্চাৰ সদৌ অসম একত্ৰিত যুৱ পৰিষদ । মঙলবাৰে হাতীগাঁও থানাত ভাষা বিৰোধী ডেম'ক্ৰেটিক ফ্ৰণ্ট আৰু বৰাক ডেম'ক্ৰেটিক য়ুথ ফ্ৰণ্টৰ বিৰুদ্ধে এজাহৰ দাখিল কৰে সংগঠনটোৰ কেন্দ্ৰীয় নেতৃত্বৰ । এজাহাৰ দাখিল কৰি সংগঠনটোৰ দাবী, ২৪ ঘণ্টাৰ ভিতৰত অসমীয়া ভাষাত ক’লা ৰং সনা দুষ্কতিকাৰীক গ্ৰেপ্তাৰ কৰক ৷

‘কেইটামান পচা আলুৱে যেনেকৈ গোটেই বস্তাটো গেলাই পেলাই, ঠিক তেনেকৈ কেইজনমান তথা-কথিত বঙালী ভাষীৰ বাবে গোটেই বঙালী জাতিটোৱে বদনাম ভাগি হ’ব লগা হয় ৷ সেয়ে এনে লোকক বঙালী জাতিৰ লোকে বহিষ্কাৰ কৰা উচিত’ ৷ এই বুলি ক্ষোভ উজাৰে একত্ৰিত যুৱ পৰিষদৰ সাধাৰণ সম্পাদক বিদ্যুৎ কলিতাই ৷

অসমীয়া ভাষাক অপমান কৰি দুষ্কাৰ্য কৰা প্ৰদীপ দত্ত ৰয় আৰু ঋষিকেশ দত্ত নেতৃত্বাধীন সংগঠনকো বহিষ্কাৰ কৰাৰ দাবী জনাই একত্ৰিত যুৱ পৰিষদৰ সাধাৰণ সম্পাদক গৰাকীয়ে ৷

আনহাতে, সমগ্ৰ বিষয়টোত মুখ্যমন্ত্ৰী হস্তক্ষেপ দাবী কৰে বিদ্যুৎ কলিতাই ৷ কলিতাৰ দাবী, শ্বহীদক অপমান কৰা বিধায়ক শ্বেৰমান আলীক গ্ৰেপ্তাৰ কৰিব পৰা চৰকাৰে অসমীয়া ভাষাক অপমান কৰা দুষ্কতিকাৰীক কিয় গ্ৰেপ্তাৰ কৰিব নোৱাৰে ? প্ৰদীপ দত্ত ৰয় নহৈ মুছলমান সম্প্ৰদায় হোৱা হ’লেও ইমান সময়ে হয়তো গ্ৰেপ্তাৰ হ'ল হেঁতেন বুলিও আশংকা প্ৰকাশ কৰে কলিতাই ।

লগতে পঢ়ক :শিলচৰত অসমীয়া ভাষাক অপমান; মোহাৰি দিয়া হ'ল অসমীয়াত লিখা ফলক