৬৫ সংখ্যক ফিল্মফেয়াৰ এৱাৰ্ডৰ বিষয়ে জানো আহক

গুৱাহাটীত অনুষ্ঠিত হ'ব ৬৫ সংখ্যক ফিল্মফেয়াৰ এৱাৰ্ড ৷ তাজ ভিভান্টাৰ এক আড়ম্বৰপূৰ্ণ অনুষ্ঠানত টাইমছ গ্ৰুপৰ সৈতে মিলিত হৈ বুজাবুজিৰ চুক্তিত স্বাক্ষৰ কৰে অসমৰ পৰ্যটন বিভাগে ৷ অনুষ্ঠানত উপস্থিত থাকে মুখ্যমন্ত্ৰী সৰ্বানন্দ সোণোৱাল,পৰ্যটন মন্ত্ৰী চন্দন ব্ৰহ্ম, পৰ্যটন নিগমৰ অধ্যক্ষ জয়ন্ত মল্ল বৰুৱাৰ সহিতে অসমৰ যথেষ্ট কলা-কুশলী ৷

গুৱাহাটী,25 নৱেম্বৰঃ বলীউডৰ তাৰকাৰে ভৰি পৰিব গুৱাহাটী মহানগৰী ৷ দেশৰ এক প্ৰতিষ্ঠিত আৰু জনপ্ৰিয় বঁটা বিতৰণী অনুষ্ঠান ফিল্মফেয়াৰ এৱাৰ্ড পোন প্ৰথমবাৰৰ বাবে অনুষ্ঠিত হ'ব গুৱাহাটী মহানগৰীত ৷ 2020বৰ্ষৰ 15 ফেব্ৰুৱাৰীত মহানগৰীৰ সৰুসজাইত অনুষ্ঠিত হ'ব এই ফিল্মফেয়াৰ এৱাৰ্ড ৷

সোমবাৰে ফিল্মফেয়াৰ এৱাৰ্ডৰ বাবে টাইমছ গ্ৰুপৰ সৈতে বুজাবুজিৰ চুক্তিত স্বাক্ষৰ কৰে অসমৰ পৰ্যটন বিভাগে ৷ হোটেল তাজ ভিভান্টাৰ এক আড়ম্বৰপূৰ্ণ অনুষ্ঠানত টাইমছ গ্ৰুপৰ সৈতে মিলিত হৈ বুজাবুজিৰ চুক্তিত স্বাক্ষৰ কৰে অসমৰ পৰ্যটন বিভাগে ৷ অনুষ্ঠানত উপস্থিত থাকে মুখ্যমন্ত্ৰী সৰ্বানন্দ সোণোৱাল,পৰ্যটন মন্ত্ৰী চন্দন ব্ৰহ্ম,পৰ্যটন নিগমৰ অধ্যক্ষ জয়ন্ত মল্ল বৰুৱা ৷ ফিল্ম ফেয়াৰ এৱাৰ্ডে বলীউড আৰু জলীউডৰ মাজত একপ্ৰকাৰৰ সাঁকোৰ সৃষ্টি কৰিব বুলি মন্তব্য কৰে অসম পৰ্যটন নিগমৰ অধ্যক্ষ জয়ন্ত মল্ল বৰুৱাই ৷ ফিল্মফেয়াৰ বঁটাই অসমৰ পৰ্যটনত এক বৃহৎ ভূমিকা গ্ৰহণ কৰিব বুলি আশা অসম পৰ্যটন বিভাগৰ।

লগতে পঢ়কঃপূৰ্বৰ পৰা খাপ পিতি থকা ঘাটকে হত্যা কৰিছিল ওম প্ৰকাশ আগৰৱালাক