কনটেনমেণ্ট জ'ন ঘোষণাৰ পাছত বৃহৎ লোকচানৰ সন্মুখীন ফাঁচী বজাৰৰ ব্যৱসায়ী

14 মে' ৰ পৰা ফাঁচী বজাৰৰ সকলো পথ-উপপথত কন্টাইনমনেট জ'নৰ পোষ্টাৰৰ লগতে তলা উমলাই দিয়াৰ পিছতে 14 দিনৰ বাবে স্তব্ধ হৈ আছিল ফাঁচী বজাৰ। দেওবাৰে 14 দিনৰ অন্তত প্ৰশাসনে কনটেণ্টমেণ্ট জ'ন উঠাই দিয়াৰ নিৰ্দেশ প্ৰদান কৰে ৷

গুৱাহাটী, 31 মে' : মহানগৰীৰ ফাঁচী বজাৰক কনটেনমেণ্ট জ'ন হিচাপে ঘোষণা কৰাৰ পাছত এতিয়া বৃহৎ লোকচানৰ সন্মুখীন হৈছে ফাঁচী বজাৰৰ ব্যৱসায়ীসকল ৷ দৰাচলতে 14 মে'ত মংৰু সাহানীৰ সংস্পৰ্শলৈ অহা ১৫ গৰাকীকৈ লোকৰ শৰীৰত COVID 19 ধৰা পৰাৰ পিছত প্ৰশাসনে উত্তৰ পূৰ্বাঞ্চলৰ ব্যৱসায়িক কেন্দ্ৰস্থলখন সম্পূৰ্ণ ছীল কৰি দিছিল ৷ 14 মে' ৰ পৰা ফাঁচী বজাৰৰ সকলো পথ-উপপথত কন্টাইনমনেট জ'নৰ পোষ্টাৰৰ লগতে তলা উলমাই দিয়াৰ পিছতে 14 দিনৰ বাবে স্তব্ধ হৈ আছিল ফাঁচী বজাৰ ।

দেওবাৰে 14 দিনৰ অন্তত প্ৰশাসনে কনটেণ্টমেণ্ট জ'ন উঠাই দিয়াৰ নিৰ্দেশ প্ৰদান কৰে ৷ লগে লগে ফাঁচী বজাৰৰ ফল মূলৰ দোকানসমূহ খোলা হয় যদিও ৰমজানৰ বাবে ব্যৱসায়ীসকলে যোগাৰ কৰি ৰখা ফল মূলসমূহ বস্তাই বস্তাই গেলি যোৱা পৰিলক্ষিত হয় ৷ 14 দিনৰ অন্তত দোকান খোলাৰ পিছতে ফলমূল গেলি নষ্ট হৈ যোৱাত এতিয়া নিৰূপায় হৈ পৰিছে ব্যৱসায়ীসকল । আনহাতে বৰ্তমানো ফাঁচী বজাৰত দোকান পোহৰ খোলাৰ ক্ষেত্ৰত কিছু বাধা ৰাখিছে প্ৰশাসনে ।