বিজেপি বিৰোধী 11 টা ৰাজনৈতিক দলৰ গুৱাহাটীত প্ৰতিবাদ

16 মাৰ্চত বিজেপি বিৰোধী 11 টা ৰাজনৈতিক দলে গুৱাহাটীত (Eleven anti BJP political parties protest in Guwahati on March 16) প্ৰতিবাদ সাব্যস্ত কৰিব ৷ শুকুৰবাৰে এক সংবাদমেলযোগে এই কথা সদৰি কৰে 11 টাকৈ ৰাষ্ট্ৰীয়-আঞ্চলিক ৰাজনৈতিক দলে ৷ এই সংবাদমেলতে মুখ্যমন্ত্ৰীক মাটি লুভীয়া মানুহ আখ্যা মনজিৎ মহন্তৰ ৷

গুৱাহাটী, 12 মাৰ্চ : গুৱাহাটী প্ৰেছ ক্লাবত অনুষ্ঠিত বিজেপি বিৰোধী 11 টাকৈ ৰাষ্ট্ৰীয়-আঞ্চলিক ৰাজনৈতিক দলৰ যৌথ সংবাদমেল । চলিত মাহৰ ১৬ তাৰিখে গুৱাহাটী মহানগৰীত যৌথ প্ৰতিবাদী কাৰ্যসূচীৰ ঘোষণা (Eleven anti BJP political parties protest in Guwahati on March 16) ।

ৰে’ল বিভাগে গুৱাহাটী মহানগৰী ভূমি বণিয়াক হস্তান্তৰ কৰা আৰু নগাঁও-কাছাৰ কাগজ কল বিক্ৰীৰ বিৰুদ্ধে এই যৌথ প্ৰতিবাদী কাৰ্যসূচী ঘোষণা । উক্ত দিনা গুৱাহাটী ক্লাবৰ ৰটাৰীৰ পৰা 11 টাকৈ ৰাষ্ট্ৰীয়-আঞ্চলিক ৰাজনৈতিক দলে যৌথভাৱে বিজেপি চৰকাৰৰ বিৰুদ্ধে বাহিৰ কৰিব এক প্ৰতিবাদী ৰেলী । শুকুৰবাৰে এক সংবাদমেলত 11 টা দলে যৌথভাৱে সংবাদ বিবৃতিৰ জৰিয়তে ঘোষণা কৰে এই কথা ৷

ৰে’ল বিভাগে প্ৰকাশ কৰা মতে, প্ৰায় 26 বিঘা গুৱাহাটীৰ মাজমজিয়াৰ ভূমি তিনিগৰাকীকৈ বণিয়াক 99 বছৰৰ বাবে লীজত দিয়াৰ সিদ্ধান্ত গ্ৰহণ কৰিছে । অসমৰ ভূমি বহিৰাগতক লীজত দিয়া সিদ্ধান্ত আইন বিৰোধী কথা । ৰে’ল বিভাগক ভূমিখিনি প্ৰয়োজন নহ’লে অসম চৰকাৰক ঘূৰাই দিয়া দাবী জনাই সাংসদ অজিত কুমাৰ ভূঞাই ।

আনহাতে, প্ৰদেশ কংগ্ৰেছ দলৰ হৈ সংবাদমেলত উপস্থিত থকা মনজিৎ মহন্তই কয় যে, মুখ্যমন্ত্ৰী ড৹ হিমন্ত বিশ্ব শৰ্মা মাটি লুভীয়া মানুহ । ৰে’লৱেৰ মাটি 99 বছৰৰ লীজত দিয়া সিদ্ধান্ত আঁৰত থাকিব পাৰে অন্য এক কৌশল । যাৰ বাবে গ্ৰহণ কৰা হৈছে এই সিদ্ধান্ত ৷

উল্লেখ্য যে, এই সংবাদমেলত অসম জাতীয় পৰিষদৰ অমিতাভ বৰঠাকুৰ, ৰাইজৰ দলৰ কমল কুমাৰ মেধি, চিপিআই (এম) সুপ্ৰকাশ তালুকদাৰ, চিপিআই ডম্বৰু বৰা, চিপিআই (এম-এল) পংকজ কুমাৰ দাস, আম আদমী পাৰ্টী শ্যামাপদ ৰায়, এনচিপি হৃদয়ানন্দ গগৈ, আৰজেডি কামাখ্যা পাণ্ডে আৰু এলডিপি গুণ গগৈ উপস্থিত থাকে ।

লগতে পঢ়ক :বিজেপি টকাৰ জোৰত পৌৰসভাত জয়ী হৈছে: অখিল গগৈ