গুৱাহাটী, 14 ছেপ্টেম্বৰ :নিৰ্বাচনৰ দিন যিমানে চমু চাপিছে সিমানে বিভিন্ন নেতাকৰ্মীয়ে ৰাজনৈতিক দল সলনি কৰাৰ উজান উটিছে ৷ সোমবাৰে পুনৰ কংগ্ৰেছ আৰু বি পি এফ দলৰ 8 গৰাকী নেতাই বিজেপিত যোগদান কৰিছে । প্ৰদেশ বিজেপিৰ মুখ্য কাৰ্যালয়ত আনুষ্ঠানিকভাৱে বিজেপিত যোগদান কৰে নেতা কেইগৰাকীয়ে ৷
বিজেপিত যোগদান কংগ্ৰেছ আৰু বি পি এফৰ জ্যেষ্ঠ নেতাৰ
বিজেপিৰ ৰাজ্যিক সভাপতি ৰঞ্জিৎ দাস আৰু দলৰ সাধাৰণ সম্পাদক ফনীন্দ্ৰ নাথ শৰ্মাই দলটোত যোগদান কৰা সকলক আদৰণি জনায় । ইফালে, বিজেপিত আনুষ্ঠানিকভাৱে যোগদান কৰা সকলৰ ভিতৰত অন্যতম হৈছে সুদীৰ্ঘ সময়জুৰি প্ৰদেশ কংগ্ৰেছৰ সম্পাদকৰ দায়িত্বত থকা হেমন্ত নেওগ ।