গুৱাহাটী,১০ জুলাই : আজি পৱিত্ৰ ঈদ-উল-জুহা বা ঈদুল আজহা (Eid al-Adha 2022)। ৰাজ্যজুৰি ইছলাম ধৰ্মাৱলম্বী লোকসকলে পালন কৰিছে এই পৱিত্ৰ ঈদ-উজ-জুহা । ক'ভিডসৃষ্ট পৰিৱেশৰ বাবে যোৱা দুবছৰ ৰাজ্যত ঈদ-উল-জুহা পালন কৰা হোৱা নাছিল । কিন্তু এইবাৰ ক'ভিডৰ ভয়াৱহতা নাই বাবে ঈদক লৈ স্বাভাৱিকতে উৎসৱমুখৰ পৰিৱেশৰ সৃষ্টি হৈছে (Eid celebration in Assam)।
অৱশ্যে, ৰাজ্যজুৰি শেহতীয়াকৈ হোৱা বানে কিছু অঞ্চলত সমস্যাৰ সৃষ্টি কৰিলেও স্তিমিত হোৱা নাই ঈদৰ উচ্চাহ । ৰাজ্যৰ বিভিন্ন প্ৰান্তৰ মছজিদ, দৰগাহ, ঈদ ময়দান আদি ঈদৰ বাবে সজাই-পৰাই তোলা হৈছে । পুৱা নিৰ্ধাৰিত সময়ত ঈদৰ সমূহীয়া নামাজো অনুষ্ঠিত হয় ৰাজ্যৰ বিভিন্ন প্ৰান্তত । বিশ্ব শান্তি আৰু একতাৰ বাবে আল্লাৰ ওচৰত প্ৰাৰ্থনা জনায় ৰাইজে ।
গুৱাহাটীত ঈদৰ উচ্চাহ