হাইস্কুল শিক্ষান্ত পৰীক্ষাৰ ফলাফল সন্দৰ্ভত শিক্ষামন্ত্ৰীৰ সংবাদমেল

২০১৯ বৰ্ষৰ ফলাফলক লৈ সন্তুষ্ট বুলি সংবাদমেল যোগে প্ৰকাশ শিক্ষামন্ত্ৰী সিদ্ধাৰ্থ ভট্টাচাৰ্যৰ। বানে গৰকা ধেমাজিৰ ভাল ফলাফল আৰু হাইলাকান্দিৰ তুলনামূলকভাৱে বেয়া ফলাফলৰ বিষয়েও সংবাদমেল যোগে জনাই শিক্ষামন্ত্ৰীগৰাকীয়ে ।

গুৱাহাটী,১৫ মে' : হাইস্কুল শিক্ষান্ত পৰীক্ষাৰ ফলাফল সন্দৰ্ভত গুৱাহাটীত শিক্ষামন্ত্ৰীৰ সংবাদমেল। ৰাজ্যত এইবাৰ ফলাফল সন্তোষজনক বুলি প্ৰকাশ শিক্ষামন্ত্ৰী সিদ্ধাৰ্থ ভট্টাচাৰ্যৰ।

সংবাদমেলযোগে শিক্ষামন্ত্ৰীগৰাকীয়ে প্ৰকাশ কৰে যে,

• যোৱাবাৰতকৈ বৃদ্ধি পাইছে এইবাৰ স্থান লাভ কৰা ছাত্ৰ ছাত্ৰীৰ সংখ্যা।
• স্থান দখল কৰিবলৈ সক্ষম হোৱা 39 গৰাকী ভিতৰত 10 গৰাকী চৰকাৰী বিদ্যালয়ৰ।
• উল্লেখনীয়ভাৱে এইবাৰ 65 খন চৰকাৰী বিদ্যালয়ৰ ছাত্ৰ ছাত্ৰীয়ে এশ শতাংশ উত্তীৰ্ণ হৈছে।
• পূৰ্বৰ দৰে এইবাৰো শীৰ্ষত আছে বানে গৰকা ধেমাজি জিলা।
• তাৰ বিপৰীতে সমগ্ৰ ৰাজ্যৰ ভিতৰত হাইলাকান্দি জিলাৰ ফলাফল তুলনামূলকভাৱে বেয়া।
• 17মে'ৰ পৰা অনলাইন যোগে প-পত্ৰ পূৰণ কৰিব পাৰিব কম্পাৰমেন্টেল পৰীক্ষা দিব বিচৰা পৰীক্ষাৰ্থীয়ে।
• 1 জুলাইৰ পৰা আৰম্ভ হ'ব কম্পাৰমেণ্টেল পৰীক্ষা আৰু ফলাফল ঘোষণা হ'ব 30 জুলাইৰ ভিতৰত।