গুৱাহাটী, 17 ডিচেম্বৰ : ৰাজ্যৰ লগতে গুৱাহাটী মহানগৰীতো অব্যাহত আছে নিষিদ্ধ ড্ৰাগছৰ ৰমৰমীয়া বেহা । কিয়নো মাৰাত্মক ড্ৰাগছৰ বিৰুদ্ধে পুণৰ জালুকবাৰী আৰক্ষীয়ে বিভিন্ন স্থানত অভিযান চলায় । এই অভিযান কালত বৃহৎ পৰিমাণৰ ড্ৰাগছসহ তিনিটাকৈ সৰবৰাহকাৰীক আটক কৰিবলৈ সক্ষম হয় জালুকবাৰী আৰক্ষী ।
ড্ৰাগছ বিৰোধী অভিযান জালুকবাৰী আৰক্ষীৰ
জালুকবাৰী এচিপি জ্যোতিপ্ৰসাদ পেগু আৰু ভাৰপ্ৰাপ্ত আৰক্ষী বিষয়া উপেন কলিতাৰ নেতৃত্বত বুধবাৰে পুৱাৰে পৰা অভিযান চলাই গ্ৰেপ্তাৰ কৰে তিনি সৰবৰাহকাৰী সহ এগৰাকী মহিলা ৷ ধৃত সৰবৰাহকাৰী কেইটাৰ নাম ক্ৰমে ৰফিক, ৰোহিত শৰ্মা, বছিত আলী আৰু ৰেছমী দেৱী বুলি জানিব পৰা গৈছে ।