অবৈধ ড্ৰাগছসহ আৰক্ষীৰ জালত সৰবৰাহকাৰী

আৰক্ষীৰ যুটীয়া অভিযানত জব্দ ৩ পেকেট ব্ৰাউন চুগাৰ

গুৱাহাটী, ২০ ফেব্ৰুৱাৰীঃ যোৰাবাটত আটক অবৈধ ড্ৰাগছ সৰবৰাহকাৰী । শ্বিলংঙৰ পৰা গুৱাহাটী অভিমুখে ব্ৰাউন চুগাৰ সৰবৰাহ কৰিবলৈ যাওতেই ধৰা পৰেনেজামুদ্দিন লস্কৰ নামৰ এজন লোক।

মঙলবাৰে নিশা এখন মাৰুটি কাৰত ব্ৰাউন চুগাৰসহ গুৱাহাটীলৈ আহি আছিল লস্কৰ। কিন্তু যোৰাবাট আৰু বশিষ্ট আৰক্ষীয়ে গোপনসূত্ৰ যোগে ড্ৰাগছ সৰবৰাহকাৰীৰ তথ্য লাভ কৰি ৰাজপথতে আটক কৰে লোকজনক। আৰক্ষীৰ যুটীয়া অভিযানত লোকজনৰ AS-11P-6377 নম্বৰৰ মাৰুটি কাৰখনৰ পৰা উদ্ধাৰ হয় প্ৰায় ৩৬ গ্ৰাম ওজনৰ তিনিটাকৈ ব্ৰাউন চুগাৰৰ পেকেট। বৰ্তমানে নেজামুদ্দিন লস্কৰক সোধ-পোছ অব্যাহত ৰাখিছে আৰক্ষীয়ে।