গুৱাহাটী, 18 অক্টোবৰ :অসমীয়াৰ বাপতি সাহোন কাতি বিহু উপলক্ষে ৰক্ত কণিকা আৰু মোগল তেহজিবৰ ব্যতিক্ৰমী পদক্ষেপ ৷পৰিৱেশ সংৰক্ষণৰ সজাগতা সৃষ্টিৰ লক্ষ্যৰে ৰাইজৰ মাজত গছপুলি বিতৰণ কৰিলে সংস্থা দুটাই ।
ৰক্তকণিকা আৰু মোগল তেহজিবৰ সংস্থা দুটাই গুৱাহাটীৰ ৰাজধানী মছজিদৰ সমীপত বিতৰণ কৰিলে তুলসীৰ পুলি । প্ৰায় 50 টা তুলসী গছৰ পুলি বিনামূলীয়াকৈ পথচাৰীৰ মাজত বিতৰণ কৰিলে সুহান মাল্লিক নামৰ যুৱকজনে ।
উল্লেখযোগ্য যে, এইগৰাকী সুহান মাল্লিকে বিভিন্ন সময়ত পৰিৱেশ সংৰক্ষণ আৰু গঁড় হত্যা ৰোধৰ ক্ষেত্ৰত ৰাইজক সজাগ কৰাৰ উদ্দেশ্যে বিভিন্ন সজাগতামূলক কাৰ্যকলাপ কৰি আহিছে । যাৰ বাবে সকলোৰে প্ৰশংসা বুটলিবলৈ সক্ষম হৈছে কিশোৰ গৰাকীয়ে । কিশোৰ গৰাকীৰ এনে কৰ্মৰ বাবে কিছুদিন পূৰ্বে অসম চৰকাৰৰ উদ্যোগত অনুষ্ঠিত বন্যপ্ৰাণী সপ্তাহ কাৰ্যসূচীত মুখ্যমন্ত্ৰী সৰ্বানন্দ সোণোৱালে বিশেষভাৱে সম্বৰ্ধনা জনাইছিল কিশোৰ গৰাকীক।
লগতে পঢ়ক :সতীৰ্থৰ মুখত লেকাম লগাওকঃ মুখ্যমন্ত্ৰীলৈ বিৰোধী দলপতিৰ চিঠি
