গুৱাহাটী, ১৬ ফেব্ৰুৱাৰীঃ ৰাজভৱনত বুধবাৰে মুকলি কৰা হ'ল অত্যাধুনিক সা-সুবিধাযুক্ত ডিসপেনচাৰী । ডিসপেনচাৰীখন আনুষ্ঠানিকভাৱে মুকলি কৰে ৰাজ্যপাল জগদীশ মুখীয়ে (Inaugurated by the Governor of Assam)। অনুষ্ঠানত উপস্থিত থাকে স্বাস্থ্যমন্ত্ৰী কেশৱ মহন্ত (Health minister Keshab Mahanta) । ভাষণ প্ৰসংগত স্বাস্থ্যমন্ত্ৰী কেশৱ মহন্তই কয় যে, ৰাজভৱনৰ এটা বহুদিনীয়া অভাৱ পূৰণ হ’ল । আজিৰে পৰা ২৪ ঘণ্টাই খোলা থাকিব এই ডিসপেনচাৰী। ৰাজভৱনৰ স্থায়ী কৰ্মচাৰীসকলৰ বাবে ৰেজিষ্ট্ৰাৰ থাকিব ।
কাৰ্ড দেখুৱাই চিকিৎসক পাব কৰ্মচাৰীয়ে । এই ডিসপেনচাৰীত ২৪ ঘণ্টাই থাকিব চিকিৎসক আৰু নাৰ্চ । ঔষধৰ ব্যৱস্থাও থাকিব ডিসপেনচাৰীখনত । ডিসপেনচাৰীখনত ৰাজভৱনত কৰ্তব্যৰত কৰ্মচাৰী তথা তেওঁলোকৰ পৰিয়াল বৰ্গ, চি আৰ পি এফৰ কৰ্মচাৰী বৃন্দকো সামৰি লৈ স্বাস্থ্য সেৱা প্ৰদান কৰা হ'ব ।