নিউজ ডেস্ক, 16 ছেপ্টেম্বৰ: কংগ্ৰেছ সাংসদ গৌৰৱ গগৈৰ এক্স একাউণ্টত সৃষ্টি হৈছে বিসংগতিৰ ৷ এনড্ৰয়ইড ফোনৰ এক্স এপ্লিকেচনত অদৃশ্য গৌৰৱ গগৈৰ এক্স একাউণ্টৰ পোষ্টসমূহ ৷ উল্লেখ্য যে মুখ্যমন্ত্ৰী হিমন্ত বিশ্ব শৰ্মাৰ পত্নীৰ ৰাজসাহায্য বিতৰ্কত সামাজিক মাধ্যমত মুখৰ হৈ আছে কলিয়াবৰৰ সাংসদগৰাকী ৷
অৱশ্যে সাংসদৰগৰাকীৰ এক্স একাউণ্টত কিয় এই বিসংগতিৰ সৃষ্টি হ’ল এতিয়াও জানিব পৰা হোৱা নাই ৷ ধাৰণা কৰা হৈছে এক্সে নিষিদ্ধ (Restrict) কৰিছে সাংসদগৰাকীৰ একাউণ্ট ৷ প্ৰদেশ কংগ্ৰেছৰ মুখপাত্ৰ ঋতুপর্ণ কোঁৱৰে সংবাদ মাধ্যমক কয়, ‘‘সাংসদ গৌৰৱ গগৈৰ Twitter/X account টো কেইঘণ্টামান আগৰ পৰা Twitter কৰ্তৃপক্ষই Restricted কৰিছে । বিশেষকৈ Android Mobile ব্যৱহাৰ কৰা কোনো ব্যক্তিয়েই তেখেতৰ একাউন্ট চাব নোৱাৰা কৰিছে । গোটেই বিষয়টো আমি প্ৰযুক্তিবিদসকলক পৰ্যৱেক্ষণ কৰিবলৈ দিছো ।’’