গুৱাহাটীলৈ আহিব আপৰ মুৰব্বী অৰবিন্দ কেজৰিৱাল

অসমত সংগঠন শক্তিশালী কৰাৰ উদ্দ্যেশ্যে গুৱাহাটীলৈ আহিব দিল্লীৰ মুখ্যমন্ত্রী অৰবিন্দ কেজৰিৱাল(Delhi Chief Minister Arvind Kejriwal to visit Guwahati) । ২৯ মে'ত গুৱাহাটীলৈ আহিব দিল্লী মুখ্যমন্ত্ৰী তথা আপৰ মুখ্য সমম্বয়কগৰাকী । গুৱাহাটীলৈ আহি কেইবাটাও কাৰ্যসূচীত অংশ ল'ব কেজৰিৱালে । বিশেষকৈ অংশ ল'ব বিশাল ৰোড শ্ব'ত(Kejriwal to participate in huge road show in Assam) ।

গুৱাহাটী,৭ মে': দিল্লী আৰু পঞ্জাৱৰ পাছত বিভিন্ন ৰাজ্যত সাম্ৰাজ্য বিস্তাৰৰ লক্ষ্যৰে ব্যাপক তৎপৰতা আৰম্ভ কৰিছে অৰবিন্দ কেজৰিৱাল নেতৃত্বাধীন আম আদমী পাৰ্টীয়ে । পৌৰ সভাত দুটা ৱাৰ্ড আৰু পৌৰ নিগমত এটা ৱাৰ্ড লাভ কৰা আম আদমী পাৰ্টী চমুকৈ আপে অসমত ৰাজনৈতিক ভেটি সুদৃঢ় কৰাৰ উদ্দেশ্যে বিশেষ উদ্যোগ গ্ৰহণ কৰিছে ।

এইবাৰ অসমত সংগঠন শক্তিশালী কৰাৰ উদ্দেশ্যে নিজেই আহিব দিল্লীৰ মুখ্যমন্ত্রী অৰবিন্দ কেজৰিৱাল(Delhi Chief Minister Arvind Kejriwal to visit Guwahati) । আপ অসমৰ শীৰ্ষ নেতৃত্বই জানিবলৈ দিয়া অনুসৰি সকলো ঠিকে-ঠাকে থাকিলে ২৯ মে'ত গুৱাহাটীলৈ আহিব দিল্লী মুখ্যমন্ত্ৰী তথা আপৰ মুখ্য সমম্বয়কগৰাকী ।

গুৱাহাটীলৈ আহি কেইবাটাও কাৰ্যসূচীত অংশ ল'ব কেজৰিৱালে । বিশেষকৈ এটা বিশাল ৰোড শ্ব'ত অংশ ল'ব দিল্লীৰ মুখ্যমন্ত্ৰীগৰাকীয়ে(Kejriwal to participate in huge road show in Assam) । উল্লেখ যে কিছুদিনৰ পূৰ্বে গুৱাহাটী পৌৰ নিগমৰ নিৰ্বাচনত ১খন আসন দখল কৰিছে আম আদমী পাৰ্টীয়ে ।

ইতিমধ্যে ৰাইজৰ দল আৰু কংগ্ৰেছৰ বহুকেইগৰাকী নেতাই আম আদমী পাৰ্টীত যোগদান কৰিছে । লক্ষণীয়ভাৱে শেহতীয়াকৈ অসমৰ ৰাজনৈতিক প্ৰেক্ষাপটত আপ বিশেষভাৱে চৰ্চিত হৈছে । কংগ্ৰেছৰ শোচনীয় অৱস্থা আৰু দুৰ্বল নেতৃত্বৰ লগতে আভ্যন্তৰীন অন্তঃকন্দলৰ পৰিপ্ৰেক্ষিতত আপে ক্ৰমাৎ মূৰ দাঙি উঠিছে ।

লগতে পঢ়ক:গুণোৎসৱ 2022ৰ বাবে সাজু হোজাই জিলা প্ৰশাসন