গুৱাহাটী, ২০ আগষ্ট: বিৰোধী দলপতি দেৱব্ৰত শইকীয়াই ডঃ হিমন্ত বিশ্ব শৰ্মা বিৰুদ্ধে উত্থাপন কৰিলে কেতবোৰ প্ৰশ্ন ৷ তেওঁ কয় যে "প্ৰণাম" আঁচনি বনোৱা তথা সততে ভাৰতীয় সভ্যতাৰ কথা কোৱা মন্ত্ৰী ডঃ হিমন্ত বিশ্ব শৰ্মাই প্ৰাক্তন মুখ্যমন্ত্ৰী তৰুণ গগৈৰ বিৰুদ্ধে ৰাজহুৱাকৈ তেখেতৰ স্বাস্থ্যৰ সম্বন্ধে কৰা টুলুঙা মন্তব্যই, তেওঁৰ ভিতৰত লুকাই থকা কু-আচৰণ সকলোৰে আগত উদঙাই দিলে ৷ ইয়াৰোপৰি তেওঁ কয়, ৰাজহুৱাকৈ তেখেততকৈ বয়সস্থ তথা ৰাজ্যৰ ৰাজনীতিৰ জ্যেষ্ঠ নেতা তৰুণ গগৈক কৰা উপলুঙা তথা তেখেতৰ স্বাস্থ্যক লৈ কৰা ইতিকিং, এইবোৰে নেকি ভাৰতীয় সংস্কৃতি, ভাৰতীয় সভ্যতা ? তেওঁ নিজেই এগৰাকী জ্যেষ্ঠ ৰাজনৈতিক নেতা তথা অসম চৰকাৰৰ গুৰুত্বপূৰ্ণ বিভিন্ন বিভাগৰ মন্ত্ৰী হোৱা স্বত্বেও তেখেতে জ্যেষ্ঠ নাগৰিক এজনৰ প্ৰতি কৰা টুলুঙা মন্তব্যৰ জৰিয়তে আমাৰ ডেকাচামক কি বাৰ্তা প্ৰেৰণ কৰিলে ?
তৰুণ গগৈৰ স্বাস্থ্য আৰু বয়স সন্দৰ্ভত স্বাস্থ্যমন্ত্ৰীয়ে কৰা মন্তব্যত প্ৰতিক্ৰিয়া প্ৰকাশ দেৱব্ৰত শইকীয়াৰ