নিউজ ডেস্ক, ১২ মে': উচ্চতম ন্যায়ালয়ে দেশদ্ৰোহিতা আইনখন দেশত সাময়িকভাবে স্থগিত ৰাখিবলৈ বুধবাৰে দিয়া নিৰ্দেশক আদৰণি জনাইছে বিৰোধী দলপতি দেৱব্ৰত শইকীয়াই (Leader of the opposition Debabrat Saikia) । বিৰোধী দলপতিগৰাকীয়ে কয় যে যোৱা সময়চোৱাত যিসমূহ ৰাজ্যত বিজেপিৰ চৰকাৰ চলি আছে, তেনে ৰাজ্য সমূহত কোনোবাই চৰকাৰৰ বিৰুদ্ধে মাত মাতিলেই চৰকাৰে এই আইনখনৰ অপপ্ৰয়োগ কৰি আহিছিল ।
দেশদ্ৰোহিতা আইনঃ উচ্চতম ন্যালয়ৰ ৰায়ক আদৰণি দেৱব্ৰত শইকীয়াৰ
কিন্তু, বুধবাৰে ৰাষ্ট্ৰদোহৰ আইনৰ অধীনত কোনো নতুন গোচৰ পঞ্জীয়ন নকৰিবলৈ কেন্দ্ৰ আৰু ৰাজ্য চৰকাৰসমূহক নিৰ্দেশ দিছে উচ্চতম ন্যায়ালয়ে (SC on sedition law) । বিৰোধী দলপতিগৰাকীয়ে আৰু কয় যে ২০১৯ চনৰ নিৰ্বাচনী ইস্তাহাৰত কংগ্ৰেছ দলে ঘোষণা কৰিছিল যে শাসনলৈ আহিলে কংগ্ৰেছে এই আইনখন প্ৰত্যাহাৰ কৰিব ।