জালুকবাৰীত মৃতদেহ উদ্ধাৰ

মহানগৰীৰ জালুকবাৰীত চাঞ্চল্যকৰ ঘটনা । জালুকবাৰীত উদ্ধাৰ হয় পাঞ্জাবাৰীৰ নিবাসী চিটি বাছৰ হেণ্ডিমেনৰ বিতু মণ্ডল মৃতদেহ । দেওবাৰৰ পুৱাৰে পৰাই সন্ধানহীন হৈ আছিল বিতু ।

গুৱাহাটী, ১ এপ্ৰিলঃমহানগৰীৰ জালুকবাৰীত চাঞ্চল্যকৰ ঘটনা । জালুকবাৰীত উদ্ধাৰ হয় পাঞ্জাবাৰীৰ নিৱাসী বিতু মণ্ডলৰ মৃতদেহ । চিটি বাছত হেণ্ডিমেন ৰূপে কৰ্মৰত আছিল যুৱকজন । যুৱক জনে দেওবাৰে পুৱা মুন্না আৰু কিংকং নামৰ দুই বন্ধুৰ লগত ঘৰৰ পৰা ওলাই আহিছিল ।

পৰিয়ালৰ লোকৰ ভাষ্য অনুসৰি তাৰ পিচৰ পৰাই সন্ধানহীন হৈ আছিল বিতু মণ্ডল । যাৰ বাবে এয়া এক পৰিকল্পিত হত্যাকাণ্ড বুলি সন্দেহ কৰিছে পৰিয়ালৰ লোকে । যুৱকজনৰ মৃতদেহত স্পষ্ট হৈ আছে আঘাতৰ চিন যদিও ফৰেনচিক ৰিপৰ্টৰ পিচতে নিশ্চিত হ'ব যে এইয়া পৰিকল্পিত হত্যাকাণ্ড নে প্ৰকৃততে অন্য কিবা । সম্প্ৰতি জালুকবাৰী আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি তদন্ত অব্যাহত ৰাখিছে । এই ঘটনাৰ কেন্দ্ৰ কৰে এতিয়া সমগ্ৰ জালুকবাৰীতে সৃষ্টি হৈছে তীব্ৰ চাঞ্চল্যৰ ।