গুৱাহাটী, ৪ জুলাই: অসাধু চক্ৰই নুমলীগড় ৰিফাইনেৰী লিমিটেডৰ (Numaligarh Refinery Limited)নামত ভুৱা ৱেবচাইট খুলি ধন সৰকোৱাৰ অভিসন্ধি ৰচিছে । নুমলীগড় শোধনাগাৰ লিমিটেডৰ নামত প্ৰকৃত কৰ্পোৰেট ৱেবচাইট www.nrl.co.in ৰ ঠাইত এনআৰএলৰ এক ভুৱা ৱেবচাইট www.nrlindia.in সৃষ্টি কৰি খালী পদৰ ভুৱা বিজ্ঞাপন দি প্ৰাৰ্থীৰ পৰা ধন আত্মসাৎ কৰিবলৈ দুষ্ট চক্ৰটোৱে চেষ্টা চলাইছে ।
এনআৰএল-এ ভাৰত চৰকাৰৰ নেছনেল চাইবাৰ ক্ৰাইম ৰিপ'টিং পৰ্টেলত(National Cyber Crime Reporting)l ইতিমধ্যে অভিযোগ দাখিল কৰাৰ লগতে স্থানীয় আৰক্ষী চকীত এক এজাহাৰ দাখিল কৰিছে । ইতিমধ্যে, কোম্পানীয়ে সকলো পক্ষকে এই ভুৱা ৱেবচাইটৰ বিপৰীতে ধন পৰিশোধ নকৰিবলৈ আহ্বান জনাইছে । এই ভুৱা ৱেবচাইটটোত হোম পেজৰ মেইন মেনুত ‘কেৰিয়াৰ’নামৰ এটা লিংক আছে (Fake website of NRL) ।