নিউজ ডেস্ক, 7 জুলাই : ব্যাপক হাৰত অসমত বৃদ্ধি পাইছে কোভিড-19 আক্ৰান্তৰ সংখ্যা ৷ কোনো কোনো স্থানত কৰ'ণাৰ গণ সংক্ৰমণ হোৱাৰে সন্দেহ প্ৰকাশ কৰা হৈছে ৷ মঙলবাৰৰ দিনটোত ৰাজ্যত ধৰা পৰিছে 814 গৰাকী কোভিড-19 আক্ৰান্ত ৰোগী ৷ ইয়াৰে 588 গৰাকীয়েই গুৱাহাটী মহানগৰীৰ ৷
বৰ্তমানলৈকে অসমত কোভিড-19ত আক্ৰান্ত হৈছে 13,336 গৰাকী ৷ ইয়াৰে 8,329 গৰাকীয়ে ইতিমধ্যে আৰোগ্য লাভ কৰাৰ বিপৰীতে 4,988 গৰাকী বৰ্তমানেও চিকিৎসাধীন হৈ আছে ৷ আনহাতে, ৰাজ্যখনত কোভিড-19 আক্ৰান্ত হৈ মৃত্যু মুখত পৰিছে 16 গৰাকী ৷