গুৱাহাটী, ১ নৱেম্বৰ : দুৰ্নীতি আৰু অনিয়মৰ অভিযোগত পঞ্চায়ত আৰু গ্ৰামোন্নয়ন বিভাগৰ বহুকেইজন বিষয়াক সোমবাৰে একেলগে চাকৰিৰ পৰা নিলম্বন কৰাৰ লগতে কেইবাজনকো চাকৰিৰ পৰা অব্যাহতি দিয়া হয় । পঞ্চায়ত আৰু গ্ৰামোন্নয়ন বিভাগৰ আয়ুক্ত বিক্ৰম কৈৰীয়ে এক নিৰ্দেশ যোগে এইসকল বিষয়াক নিলম্বন কৰে ।
সেইমৰ্মে নলবাৰী জিলাৰ বৰক্ষেত্ৰী উন্নয়ন খণ্ডত অস্থায়ীভাৱে কৰ্মৰত তিনিগৰাকী অভিযন্তা ক্ৰমে আমানুৰ ৰহমান, আতিকুৰ ৰহমান আৰু আব্দুল কৰিমক তাৎক্ষনিকভাৱে দুৰ্নীতিৰ অভিযোগত অব্যাহতি দিয়া হৈছে । বৰক্ষেত্ৰী উন্নয়ন খণ্ডত কৰ্মৰত কম্পিউটাৰ অপাৰেটৰ মতিউৰ ৰহমান আৰু সুৰজিৎ বৰ্মনকো অব্যাহতি দিয়া হৈছে দুৰ্নীতিৰ অভিযোগত ।