ৰাজ্যত এহাজাৰলৈ বৃদ্ধি কোভিড-19ত আক্ৰান্তৰ সংখ্যা

ৰাজ্যত এদিনতে সৰ্বাধিক সংখ্যক 144 গৰাকী ব্যক্তি কোভিড-19ত আক্ৰান্ত হৈছে ৷ স্বাস্থ্যমন্ত্ৰী হিমন্ত বিশ্ব শৰ্মাই সদৰী কৰিছে এই তথ্য ৷

নিউজ ডেস্ক, 29 মে': ৰাজ্যত এদিনতে সৰ্বাধিক সংখ্যক 144 গৰাকী ব্যক্তি কোভিড-19ত আক্ৰান্ত হোৱাৰ তথ্য প্ৰকাশ কৰিছে স্বাস্থ্যমন্ত্ৰী হিমন্ত বিশ্ব শৰ্মাই ৷ বৰ্তমানে ৰাজ্যত কোভিড-19ত আক্ৰান্তৰ সংখ্যা হয়গৈ 1024 গৰাকী ৷ স্বাস্থ্য মন্ত্ৰী হিমন্ত বিশ্ব শৰ্মাই টুইটাৰৰ জৰিয়তে প্ৰকাশ কৰে এই তথ্য ৷

বৰ্তমান ৰাজ্যত সক্ৰিয় হৈ আছে 892 গৰাকী ৰোগী ৷ ইয়াৰ বিপৰীতে 125 গৰাকী আৰোগ্য হৈছে আৰু 4 গৰাকীয়ে এতিয়ালৈকে মৃত্যুমুখত পৰিছে ৷

শুকুৰবাৰে নিশাৰ ভাগলৈ 89 গৰাকী ব্যক্তি কোভিড-19ত আক্ৰান্ত হয় ৷ ইয়াৰ ভিতৰত কামৰূপৰ 30গৰাকী, তিনিচুকীয়াৰ 17 গৰাকী, গুৱাহাটীৰ 14 গৰাকী, ধুবুৰীৰ 14 গৰাকী, কাচাৰৰ 10 গৰাকী আৰু ধেমাজিৰ 4 গৰাকী লোক আছে বুলি স্বাস্থ্যমন্ত্ৰীয়ে সদৰী কৰিছে ৷