হিমন্ত বিশ্ব শৰ্মাই মোক পিছফালৰ পৰা চুৰি মাৰিলেঃ তৰুণ গগৈ

"মই হিমন্ত বিশ্ব শৰ্মাক পিছফালৰ পৰা চুৰি মৰা নাছিলো, হিমন্ত বিশ্ব শৰ্মাইহে মাৰিছিল ৷ হিমন্ত বিশ্ব শৰ্মাৰ সৈতে শত্ৰুতা থকা হ’লে তেখেতক উপ-মুখ্যমন্ত্ৰী পতাৰ কথা চিন্তা নকৰিলোহেঁতেন" -তৰুণ গগৈ

কামৰূপ মেট্ৰ’, 19 আগষ্টঃ মঙলবাৰে হোটেল গেটৱে' ইণ্ডিয়াত অনুষ্ঠিত হয় কংগ্ৰেছৰ ক’ৰ কমিটিৰ বৈঠক ৷ এই বৈঠকত উপস্থিত থাকে প্ৰাক্তন মুখ্যমন্ত্ৰী তৰুণ গগৈ, ৰকিবুল হুছেইন, ৰিপুন বৰা, অজন্তা নেওগ, প্ৰদ্যুত বৰদলৈ প্ৰমুখ্যে কেইবাগৰাকীয়ো নেতা ৷ এই অনুষ্ঠানত মন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ হৈ উঠে প্ৰাক্তন মুখ্যমন্ত্ৰী তৰুণ গগৈ ৷

বৈঠকত তৰুণ গগৈয়ে কয়, "মই হিমন্ত বিশ্ব শৰ্মাক পিছফালৰ পৰা চুৰি মৰা নাছিলো, হিমন্ত বিশ্ব শৰ্মাইহে মাৰিছিল ৷ হিমন্ত বিশ্ব শৰ্মাৰ সৈতে শত্ৰুতা থকা হ’লে তেখেতক উপ-মুখ্যমন্ত্ৰী পতাৰ কথা চিন্তা নকৰিলোহেঁতেন ৷ হিমন্ত বিশ্ব শৰ্মাই নিজৰ স্বাৰ্থ সিদ্ধি কৰিবলৈহে বিজেপি দলত যোগদান কৰিছে ৷"

আনহাতে, আগন্তুক বিধানসভা নিৰ্বাচনৰ বাবে এআইইউডিএফৰ সৈতে কংগ্ৰেছে মিত্ৰতা কৰিব বুলিও স্পষ্ট কৰি দিয়ে প্ৰাক্তন মুখ্যমন্ত্ৰী তৰুণ গগৈয়ে ৷

লগতে পঢ়ক-অসমত পুনৰ গঠন হ'ব বিজেপি চৰকাৰঃ অশ্বিনী পাইট