জ্বৰে এৰিলেও কৰ্পটিয়ে নেৰা হৈছে কংগ্ৰেছক: এইবাৰ দৃশ্যপটত ৰঞ্জন বৰা

মুঠতে কংগ্ৰেছ দলত যেন এতিয়া অশান্তিয়ে বাহ হৈছে । ৰাজ্যসভা নিৰ্বাচনত অনায়াসে জিকি আহিব পৰাৰ জোখাৰে বিধায়ক থকাৰ পিছতো বাৰে বাৰে নিজৰ ‌জয়ক‌ লৈ চিন্তিত-উদ্বিগ্ন হবলগীয়া হৈছে কংগ্ৰেছ (Congress worried about victory of Rajya Sabha elections) ।

গুৱাহাটী, ২৫ মাৰ্চ: মুঠতে কংগ্ৰেছ দলত যেন এতিয়া অশান্তিৰ বাহ হৈছে । ৰাজ্যসভা নিৰ্বাচনত অনায়াসে জিকি আহিব পৰাৰ জোখাৰে বিধায়ক থকাৰ পিছতো বাৰে বাৰে নিজৰ ‌জয়ক‌ লৈ চিন্তিত-উদ্বিগ্ন হবলগীয়া হৈছে কংগ্ৰেছ (Congress worried about victory of Rajya Sabha elections)। ৰাজ্যসভাৰ বিৰোধী প্ৰাৰ্থী ৰিপুণ বৰাৰ জয় হব নে নহয় তাকে লৈ কংগ্ৰেছ উৎকন্ঠিত ।

ইয়াৰ মাজতে বৰ্তমানৰ ন-বিজেপি তথা সৌ সিদিনালৈকে কংগ্ৰেছৰ এজন আগশাৰীৰ নেতা হৈ থকা ৰঞ্জন বৰাই কৰিছে এক গুৰুত্বপূৰ্ণ আৰু বিস্ফোৰক মন্তব্য । সামাজিক মাধ্যমৰ কৃপাত ইতিমধ্যে ৰঞ্জন বৰাৰ সেই ভাষ্য কেউদিশে বিয়পিছে । প্ৰদেশ কংগ্ৰেছৰ প্ৰাক্তন সাধাৰণ সম্পাদক (সংগঠন) ৰঞ্জন বৰাই সামাজিক মাধ্যমত দিয়া প'ষ্টটো এনেধৰণৰ -"নিৰ্বাচনত যিসকল কংগ্ৰেছ প্ৰাৰ্থীক বৃহৎ পৰিমাণৰ টকাৰ বিনিময়ত টিকেট লবলৈ বাধ্য কৰিছিল আৰু নিৰ্বাচিত হৈ বিধায়ক হৈছে, সেইসকল বিধায়কে ৰিপুণ বৰাক কোনোপধ্যেই ৰাজ্যসভাৰ নিৰ্বাচনত ভোট নিদিয়ে । "

ৰঞ্জন বৰাৰ বিস্ফোৰক ফেচবুক প'ষ্ট

তাৎপৰ্যপূৰ্ণ যে মন্ত্ৰী পীযুষ হাজৰিকায়ো ইতিমধ্যে একাধিকবাৰ এই মন্তব্য কৰি আহিছে যে আনটো বাদেই, স্বয়ং কংগ্ৰেছৰেই কেইবাজনো বিধায়কে ৰাজ্যসভাৰ নিৰ্বাচনত ৰিপুণ বৰাক ভোট নিদিয়ে । তাৰ পিছতেই ৰঞ্জন বৰাৰ এনে মন্তব্য মনকৰিবলগীয়া ।

বিগত বিধানসভা নিৰ্বাচনত তেতিয়াৰ প্ৰদেশ কংগ্ৰেছৰ সভাপতি ৰিপুণ বৰাৰ বিৰুদ্ধে বিভিন্ন কংগ্ৰেছ নেতা-কৰ্মীয়ে অভিযোগ তুলিছিল যে মোটা অংকৰ ধনৰ বিনিময়ত বহু সমষ্টিত কংগ্ৰেছে এনে প্ৰাৰ্থীক টিকট দিছে যাৰ জয়ৰ বিন্দুমাত্ৰও সম্ভাৱনা নাই ।

লগতে পঢ়ক:এগৰাকী সাধুৰ পৰা দেশৰ প্ৰভাৱশালী ৰাজনীতিবিদলৈ যোগী আদিত্যনাথৰ যাত্ৰা