ডিঙিত গামোচা ল'লেই অসমৰ প্ৰতি প্ৰেম নুবুজাইঃ কিশোৰ ভট্টাচাৰ্য

অসমৰ আইন শৃংখলা নিয়ন্ত্ৰণ কৰাত ৰাজ্য চৰকাৰ সম্পূৰ্ণভাবে ব্যৰ্থ হৈছে । অসমৰ মানুহৰ আবেগ অনুভূতি,সন্মান,সাধাৰণ জনতাৰ হকে কাম কৰাত ভাৰতীয় জনতা পাৰ্টী সম্পূৰ্ণভাৱে ব্যৰ্থ হৈছে। সংবিধান বিৰোধী নাগৰিকত্ব সংশোধনী আইনক লৈ কংগ্ৰেছৰ কেন্দ্ৰীয় নেতৃত্বয় উচ্চতম ন্যায়ালয়ৰ দ্বাৰস্থ হ'ব ৷

গুৱাহাটী,14 ডিচেম্বৰঃ অসমৰ শেহতীয়া পৰিস্থিতি সন্দৰ্ভত অসম প্ৰদেশ কংগ্ৰেছ কমিটিৰ জ্যেষ্ঠ মুখপাত্ৰ কিশোৰ ভট্টাচাৰ্যই শনিবাৰে মুখ্য কাৰ্যালয় ৰাজীৱ ভৱনত এক সংবাদমেল সম্বোধন কৰে ৷ সংবাদমেলত ভট্টাচাৰ্যই ৰাজ্য আৰু কেন্দ্ৰ চৰকাৰক লৈ সৰৱ হৈ পৰে। কিশোৰ ভট্টাচাৰ্যই কয়,কেবক লৈ অসমৰ বৰ্তমান পৰিস্থিতি অভাৱনীয়। অসমৰ জনসাধাৰণৰ ক্ষোভ ভাৰতীয় জনতা পাৰ্টীয়ে অনুধাৱন কৰিব নোৱাৰিলে যাৰ বাবে বিগত এক সপ্তাহ ধৰি অসমৰ ছাত্ৰ সমাজ,দল সংগঠন,সাধাৰণ জনতাৰ ক্ষোভৰ বহিঃপ্ৰকাশ ঘটিছে। অসমৰ আইন শৃংখলা নিয়ন্ত্ৰণ কৰাত ৰাজ্য চৰকাৰ সম্পূৰ্ণভাবে ব্যৰ্থ হৈছে। অসমৰ মানুহৰ আবেগ অনুভূতি,সন্মান,সাধাৰণ জনতাৰ হকে কাম কৰাত ভাৰতীয় জনতা পাৰ্টী সম্পূৰ্ণভাৱে ব্যৰ্থ হৈছে। সংবিধান বিৰোধী নাগৰিকত্ব সংশোধনী আইনক লৈ কংগ্ৰেছৰ কেন্দ্ৰীয় নেতৃত্বয় উচ্চতম ন্যায়ালয়ৰ দ্বাৰস্থ হৈছে। এতিয়া আমাৰ শেষ আশা উচ্চতম ন্যায়ালয় ওপৰত। প্ৰতিবাদক দমন কৰাৰ বাবে কেন্দ্ৰীয় গৃহ মন্ত্ৰালয়ে জি পি সিংহক অসমলৈ পঠোৱা সময়ত আমি আশংকা ব্যক্ত কৰিছিলো যে অসমীয়া নিৰীহ প্ৰতিবাদকাৰী প্ৰাণ যাব। তাৰ পিছত তিনিজন লোক নিহত হোৱাৰ লগতে 27 জন আহত হৈছে। ৰাজ্য চৰকাৰৰে দল সংগঠনৰ নেতাক গ্ৰেপ্তাৰ কৰি প্ৰতিবাদক দমন কৰিবলৈ বিচাৰিছো। নাগৰিকত্ব সংশোধনী আইনক অসম আন্দোলন,অসম চুক্তিৰ অৱমাননা কৰা হৈছে আৰু এই আইন পৰিণত হোৱাত ৰাষ্ট্ৰীয় নাগৰিক পঞ্জী অযুক্তিকৰ।

তাৰোপৰি কয়,অসমত 15 বছৰত কংগ্ৰেছৰ শাসন কালত এনে পৰিস্থিতি হোৱা নাছিল ৷ মুখ্যমন্ত্ৰী নিজৰ ব্যৰ্থক ঢাকিবলৈ গুলি চালনা কৰি প্ৰতিবাদ দমন কৰিবলৈ বিচাৰিছে। প্ৰতিবাদ দমন কৰাৰ নামত সংবাদ গোষ্ঠীক নিৰাপত্তা ব্যৱস্থা কৰিছে। এনে পৰিৱেশ অসমৰ জনতাই কাহানিও দেখা নাছিল। আমাৰ শংকা হৈছে বি জে পি আৰু আৰ এছ এছে এই প্ৰতিবাদক হিংসাত্মক কামত জড়িত আছে। ৰাজ্য চৰকাৰ সাহস আছে যদি সমগ্ৰ ঘটনাৰ ন্যায়িক তদন্ত কৰক। ৰাজ্যত হোৱা বৰ্তমান পৰিস্থিতিৰ দায়িত্ব স্বীকাৰ কৰি মুখ্যমন্ত্ৰীয়ে পদ ত্যাগ কৰা উচিত।

লগতে চাওকঃ ক্ৰমাৎ স্বাভাৱিক মহানগৰীৰ জনজীৱন