উৎকোচ লৈ দোষীক মুক্তি কৰিলে দিচপুৰ আৰক্ষীয়ে!

টকাৰ বিনিময়ত অভিযুক্তক এৰি দিয়াৰ অভিযোগ দিছপুৰ আৰক্ষী থানাৰ উপ পৰিদৰ্শকৰ বিৰুদ্ধে

গুৱাহাটী, 2 জুনঃ দিছপুৰ আৰক্ষী থানাৰ উপ পৰিদৰ্শক গহীন পেগুৰ ওপৰত উঠিছে গুৰুতৰ অভিযোগ । চনমালা নামৰ এগৰাকী এজাহাৰকাৰীয়ে উত্থাপন কৰিছে এক বিস্ফোৰক অভিযোগ । অভিযোগ অনুসৰি দিছপুৰ থানাৰ গোচৰ নং 1517/2019 U/c 420/406/294 ভাৰতীয় দণ্ড বিধি আইনৰ অধীনত 30 মে'ত ৰাজু অধিকাৰী নামৰ এজন লোকক আটক কৰা হৈছিল। তাৰ পাছৰ পৰাই চনমালা নামৰ ভুক্তভোগী মহিলা গৰাকীক এই গোচৰ সমস্যা সমাধানৰ বাবে দিছপুৰ আৰক্ষী থানাৰ উপপৰিদৰ্শক গহীন পেগুৱে ধন দাবী কৰে ।

আৰক্ষীৰ ওপৰত গুৰুতৰ অভিযোগ

উক্ত ধন দিব নোৱাৰাৰ বাবে গহীন পেগুৱে অভিযুক্তৰ পৰা ধন লৈ অভিযুক্তক থানাৰ পৰা ওভতাই পঠাই বুলি সংবাদ মাধ্যমৰ আগত এই অভিযোগ তৰে মহিলাগৰাকীয়ে ।

ঘটনা অনুসৰি ৰাজু অধিকাৰীয়ে 10 মাৰ্চত চনমালা বেগমৰ AS01 DD 6210 নম্বৰৰ টাটা মেজিক মাহে 27 হাজাৰ টকাত ভাড়া লৈছিল । তাৰ পাছৰ পৰাই ৰাজু অধিকাৰীৰ পৰা ভাড়া খুজিলে ৰাজু অধিকাৰীয়ে মহিলা গৰাকীক ভাবুকি দিয়ে । এই সমগ্ৰ ঘটনাৰ বিষয়ে দিছপুৰ আৰক্ষীক অৱগত কৰিও কোনো ন্যায় নাপালে চনমালাই । যাৰ বাবে চনমালা বেগম আৰু স্বামী চামচুল আলিয়ে কাষ চাপিছিল আৰক্ষী বিষয়াগৰাকীৰ । এতিয়া শীৰ্ষ আৰক্ষী বিষয়াগৰাকীয়ে এই অভিযোগৰ কেনেধৰণে প্ৰত্যুত্তৰ দিয়ে সেইয়া সময়তহে লক্ষণীয় হ'ব ।