কৰ'ণা ৰোগীক নহয় ৰোগক ঘৃণ কৰকঃ মুখ্যমন্ত্ৰী

বৃহস্পতিবাৰে চন্দ্ৰপুৰত মুখ্যমন্ত্ৰী সৰ্বানন্দ সোণোৱালৰ লগতে মন্ত্ৰী নৱ কুমাৰ দলে এক অনুষ্ঠানত উপস্থিত হৈ অসমী মাস্ক উৎপাদন কেন্দ্ৰ পৰিদৰ্শন কৰে ৷ লগতে সকলোকে দেশৰ এই জটিল সময়ত একত্ৰিত হৈ সামাজিক দূৰত্ব বজাই স্বাস্থ্য বিধি মানি চলিবলৈ আহ্বান জনাই ৷

গুৱাহাটী, 14 মে' :বৃহস্পতিবাৰে চন্দ্ৰপুৰৰ অসম ৰাজ্যিক গ্ৰামীণ জীৱিকা অভিযানৰ এক অনুষ্ঠানত উপস্থিত হয় মুখ্যমন্ত্ৰী সৰ্বানন্দ সোণোৱাল আৰু মন্ত্ৰী নৱ কুমাৰ দলে ৷ কামৰূপ মহানগৰ জিলা আৰু চন্দ্ৰপুৰ খণ্ড অভিযান পৰিচালনা গোটৰ অন্তৰ্গত আত্ম সহায়ক গোট "অসমী মাস্ক উৎপাদন কেন্দ্ৰত" উপস্থিত হৈ মুখ্যমন্ত্ৰী গৰাকীয়ে মাস্ক উৎপাদন কেন্দ্ৰ পৰিদৰ্শন কৰে ৷

পৰিদৰ্শন অন্তত মুখ্যমন্ত্ৰী গৰাকীয়ে সংবাদ মাধ্যমৰ আগত কৰ'ণা আতংকৰ সময়ত দেশৰ ভিন্ন প্ৰান্তৰ পৰা অসমলৈ অহা যাত্ৰী সকলক স্বাস্থ্য বিভাগৰ সকলো নীতি-নিয়ম মানি চলিবলৈ আহ্বান জনাই ৷ লগতে, কৰ'ণা ভাইৰাছৰ বিৰুদ্ধে অসমৰ ৰাইজক দৃঢ়তাৰে যুজঁ দিবলৈ আহ্বান জনায় ।

আনহাতে, কৰ'ণাৰ সময়ত ৰাইজক আতংকিত নহ'বলৈ অনুৰোধ কৰাৰ লগতে সকলোকে সামাজিক দুৰত্ব মানি ৰাইজক এই ৰোগৰ বিৰুদ্ধে মাৰ বান্ধি থিয় দিবলৈ আহ্বান জনাই মুখ্যমন্ত্ৰী সৰ্বানন্দ সোণোৱালে ৷

লগতে পঢ়ক : আলু গুদামৰ পৰা 15 গৰাকী ব্যক্তিলৈ সংক্ৰমণ হৈছিল COVID-19