তৃতীয় পৰ্যায়ৰ নিৰ্বাচনী প্ৰচাৰৰ অন্তিম দিনটোত বিজেপিৰ বিশাল বাইক ৰেলী

গুৱাহাটী লোকসভা সমষ্টিৰ প্ৰাৰ্থী কুইন ওজাৰ সমৰ্থনত প্ৰচাৰ চলালে ৰথী-মহাৰথীয়ে

গুৱাহাটী,২১ এপ্ৰিলঃ মহানগৰীৰ খানাপাৰাত বিজেপিৰ বিশাল বাইক ৰেলী । পুৱা ১০ বজাত খানাপাৰাৰ পৰা জি.এচ ৰ'ড ,পল্টনবজাৰ আৰু আঠগাঁৱলৈকে বিশাল বাইক ৰেলী কৰে বিজেপি দলে । পুৱাই এই বাইক ৰেলীত সমৰ্থন আগবঢ়ায় মুখ্যমন্ত্ৰী সৰ্বানন্দ সোণোৱাল আৰু মন্ত্ৰী সিদ্ধাৰ্থ ভট্টাচাৰ্যই ।

গুৱাহাটী লোকসভা সমষ্টিৰ প্ৰাৰ্থী কুইন ওজাৰ সমৰ্থনত জোৰদাৰ প্ৰচাৰ চলাই সকলোৱে । আনহাতে এই বাইক ৰেলীয়ে ট্ৰেফিক আইনক ধোঁৱা চাঙত তুলি শক্তি প্ৰদৰ্শন কৰিছে বুলি মন্তব্য কৰে একাংশই ।