নিউজ ডেস্ক,13 ডিচেম্বৰ: বিটিচিৰ মুখ্য কাৰ্যবাহী সদস্য হিচাপে নিৰ্বাচিত হ’ল ইউ পি পি এলৰ সভাপতি প্ৰমোদ বড়ো ৷ নৱ নিৰ্বাচিত বিটিচি প্ৰধান হিচাপে প্ৰমোদ বড়োৰ নাম ঘোষণা কৰিলে মুখ্যমন্ত্ৰী সৰ্বানন্দ সোণোৱালে ৷ সদ্য বিজয়ী 21 জনীয়া পাৰিষদীয় দলে দেওবাৰে পুৱা সাক্ষাৎ কৰিছিল মুখ্যমন্ত্ৰী সোণোৱালক ৷ লগতে আছিল বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়া ৷
উল্লেখ্য যে, দেওবাৰে পুৱা গুৱাহাটীৰ হোটেল লিলিত এক ৰুদ্ধাদ্বাৰ বৈঠকত মিলিত হৈছিল বিজেপিৰ নেতৃবৃন্দ, ইউ পি পি এলৰ সভাপতি প্ৰমোদ বড়ো, আৰু গণ সুৰক্ষা পাৰ্টীৰ সভাপতি নৱ শৰণীয়া ৷ প্ৰায় এঘন্টাজুৰি চলা ৰুদ্ধদ্বাৰ বৈঠকৰ অন্তত সাংবাদিকৰে হোৱা বাৰ্তালাপত মন্ত্ৰী ড৹ হিমন্ত বিশ্ব শৰ্মা, ৰাজ্যিক সভাপতি ৰঞ্জিত দাস আৰু প্ৰমোদ বড়োৱে ঘোষণা কৰে যে তিনিওটা দলৰ নিৰ্বাচিত এম চি এল এৰ সংখ্যা হৈছে ২১ গৰাকী ৷ গতিকে বিটিআৰত সমিলমিলেৰে এই তিনি দলেই চৰকাৰ গঠন কৰাৰ কৰিব ৷