থাওৰা সমষ্টিৰ প্ৰাক্তন বিধায়ক সুশান্ত বৰগোঁহাইক CID ৰ জেৰা !

থাওৰা সমষ্টিৰ প্ৰাক্তন বিধায়ক সুশান্ত বৰগোঁহাইক জানিবলৈ দিয়া অনুসৰি লোকসভাৰ নিৰ্বাচনৰ সময়ত ডেৰ মিনিটৰ মোবাইলত বাৰ্তালাপৰ বাবে তেওঁক জেৰা কৰাৰ বাবে মাতি পঠাইছে কেন্দ্ৰীয় অনুসন্ধানকাৰী সংস্থা টোৱে ।

গুৱাহাটী, 20 মে‘ : অসম প্ৰদেশ কংগ্ৰেছৰ যুৱ নেতা তথা থাওৰা সমষ্টিৰ প্ৰাক্তন বিধায়ক সুশান্ত বৰগোঁহাইক কেন্দ্ৰীয় অনুসন্ধানকাৰী সন্থা চমুকৈ চি.আই.ডিয়ে বুধবাৰে জেৰা কৰে । গুৱাহাটী চি.আই. ডি কাৰ্যালয়ত প্ৰাক্তন বিধায়ক বৰগোঁহাইক দুঘণ্টা ধৰি চলোৱা হয় জেৰা ৷ জানিব পৰা অনুসৰি ৩০/২০১৯ নম্বৰ গোচৰৰ ভিত্তিত চি.আই.ডিয়ে প্ৰাক্তন বিধায়ক বৰগোঁহাইলৈ চমন জাৰি কৰিছিল । উল্লেখযোগ্য যে কা' আন্দোলনত জড়িত থকা অভিযোগত চমন জাৰি কৰা হৈছিল বিধায়ক গৰাকীৰ বিৰুদ্ধে ।
চি আই ডিৰ দুঘণ্টা ধৰি চলোৱা জেৰাৰ অন্তত থাওৰা সমষ্টিৰ প্ৰাক্তন বিধায়ক গৰাকীয়ে সংবাদ মাধ্যমৰ আগত মন্তব্য প্ৰকাশ কৰি সমগ্ৰ বিষয়টো এক ৰাজনৈতিক ষড়যন্ত্ৰ আখ্যা দিয়ে । বীৰ লাচিত সেনাৰ সাংগঠনিক সম্পাদক শৃংখল চলিহাৰ সৈতে থকা এক ফোন ক'লৰ ভিত্তিত চি আই ডিয়ে সুশান্ত বৰগোঁহাইক সোধপোচৰ বাবে 2 ঘণ্টা জোৰা জেৰা অব্যাহত ৰাখে ।

থাওৰা সমষ্টিৰ প্ৰাক্তন বিধায়ক গৰাকীয়ে জানিবলৈ দিয়া অনুসৰি লোকসভাৰ নিৰ্বাচনৰ সময়ত ডেৰ মিনিটৰ মোবাইলত বাৰ্তালাপৰ বাবে তেওঁক জেৰা কৰাৰ বাবে মাতি পঠাইছে কেন্দ্ৰীয় অনুসন্ধানকাৰী সংস্থা টোৱে ।

লগতে কংগ্ৰেছ নেতা গৰাকীয়ে কয় যে, " চৰকাৰৰ সমাজ বিৰোধী কাম-কাজত মাত মাতিছো আৰু মাতিম । কিন্তু এইধৰণৰ ষড়যন্ত্ৰই গণতন্ত্ৰৰ ধ্বংস কৰিব ।হিংসা, ধ্বংসৰ জৰিয়তে আমি কোনো দিনে সমাজ সৃষ্টি কৰিব বিচৰা নাই।"

আনহাতে দিহিং পাটকাই সন্দৰ্ভত মন্তব্য প্ৰকাশ কৰি কয় যে, " চৰকাৰে কয়লা খনন কৰাত কৈ চাহ উদ্যোগত বেছি মন দিব লাগে । কেতিয়াও দিহিং পাটকাই খনন কৰিবলৈ দিয়া নহব ৷ "

লগতে পঢ়ক : কণিষ্ঠ চিকিৎসকৰ ফেচবুক পোষ্টৰ প্ৰতিক্ৰিয়া আয়ুৰ্বেদিক মহাবিদ্যালয় কৰ্তৃপক্ষৰ