গুৱাহাটী, 16 ছেপ্টেম্বৰ : সাৱধান ! আকৌ মহানগৰীত বাজিছে বিপদ ঘন্টা ৷ গুৱাহাটীত মহানগৰীত পুনৰ সংঘটিত হৈছে কিশোৰী অপহৰণৰ এক ঘটনা (Child abduction case in Guwahati) । এইবাৰ ঘৰুৱা চালকে টিউচনলৈ নিয়াৰ পথতেই অপহৰণ কৰে এগৰাকী 10 বছৰীয়া কন্যাক ৷
আনকি কন্যাগৰাকীৰ মুক্তিপণৰ বাবদ 7 লাখ টকা দাবী কৰিছিল অপহৰণকাৰী নৰহৰি বৰ্মণে ৷ তথ্য অনুসৰি, নৰহৰি বৰ্মণৰ ঘৰ বৰপেটাত ৷ ইফালে এই ঘটনা সন্দৰ্ভত খবৰ দিয়া হয় আৰক্ষীক ৷ দিছপুৰ, ভঙাগড়, বশিষ্ঠ আৰক্ষীৰ তৎপৰতাত যোৰাবাটৰ গণেশ মন্দিৰৰ সমীপৰ পৰা সুকলমে উদ্ধাৰ কৰা হয় কন্যাগৰাকীক (Kidnapped child rescued in Guwahati) ৷
ঘটনাৰ বিৱৰণি অনুসৰি, বৃহস্পতিবাৰে সন্ধিয়া প্ৰায় 7:30 বজাত কন্যাগৰাকীক ঘৰুৱা গাড়ী চালক নৰহৰি বৰ্মণে টিউচনলৈ লৈ গৈছিল । তেনে সময়তে অপহৰণ কৰে কন্যাগৰাকী । ইয়াৰ পিছতে পৰিয়ালৰ লোকক ফোন কৰি মুক্তিৰ বাবে 7 লাখ টকা দাবী কৰিছিল নৰহৰি বৰ্মণে । লগতে আৰক্ষীক এই সন্দৰ্ভত নজনাবলৈ ভাবুকি দিছিল কৰিছিল বৰ্মণে ৷
মহানগৰীত শিশু অপহৰণৰ ঘটনা; গ্ৰেপ্তাৰ গাড়ী চালক নৰহৰি বৰ্মণ কিন্তু কন্যাগৰাকীক সুকলমে উদ্ধাৰ কৰাৰ স্বাৰ্থত পৰিয়ালৰ লোকে আৰক্ষীক খবৰ দিয়ে ৷ অৱশ্যে পৰৱৰ্তী সময়ত বৃহস্পতিবাৰে নিশা প্ৰায় 9 বজাত আৰক্ষীয়ে কন্যাগৰাকীক উদ্ধাৰ কৰাৰ লগতে গ্ৰেপ্তাৰ কৰে গাড়ী চালক তথা অপহৰণকাৰী নৰহৰি বৰ্মণক ৷
লগতে পঢ়ক :নলবাৰীৰ ঘগ্ৰাপাৰত ৰে’লৱে দলঙৰ তলত মৃতদেহ উদ্ধাৰ
