গুৱাহাটী, 31 অক্টোবৰঃ ৰাজ্যত বৰ্তমানেও অব্যাহত আছে চোৰাং গৰু সৰবৰাহ । সোণাপুৰ আৰক্ষীয়ে বুধবাৰে নিশাৰে পৰা বৃহস্পতিবাৰ পুৱালৈকে চলোৱা এক বিশেষ অভিযানত 10 খন ট্ৰাকৰ পৰা 200টা চোৰাং গৰু উদ্ধাৰ কৰে । গৰু সমূহ বাংলাদেশলৈ চোৰাং ভাবে ভাবে লৈ যোৱাৰ সন্দেহ প্ৰকাশ কৰা হৈছে ৷
ঘটনা সম্পৰ্কে আৰক্ষী আয়ুক্ত দীপক কুমাৰে কয়, গোপন সূত্ৰৰ ভিত্তিতে মহানগৰ আৰক্ষীয়ে সোণাপুৰত চলোৱা অভিযানত মুঠ ১০ খন ট্ৰাকত প্ৰায় 200 টা গৰু উদ্ধাৰ কৰে । চোৰাং সৰবৰাহকাৰীৰ কৱলৰ পৰা উদ্ধাৰ হোৱা গৰুকেইটা অবৈধভাৱে নগাঁৱৰ পৰা মেঘালয়লৈ লৈ যোৱা হৈছিল । ঘটনাৰ লগত জড়িত চালকসহ মুঠ 10 জনক গ্ৰেপ্তাৰ কৰা হৈছে বুলিও মন্তব্য কৰে দীপক কুমাৰে। প্ৰাৰম্ভিক তদন্তত গৰুসমূহ মেঘালয়লৈ লৈ যোৱাৰ তথ্য ইতিমধ্যে লাভ কৰা হৈছে বুলিও কুমাৰে প্ৰকাশ কৰে । কিন্তু তদন্তৰ পাচতহে পোহৰলৈ আহিব যে এই উদ্ধাৰ কৰা গৰুসমূহ বাংলাদেশলৈ লৈ যোৱাৰ পৰিকল্পনা আছিল নে নাই ।
সোণাপুৰত চোৰাং গৰু সহ জব্দ 10 খন ট্ৰাক ইয়াৰ বিপৰীতে সোণাপুৰ আৰক্ষী থানাৰ ভাৰপ্ৰাপ্ত বিষয়া পংকজ ৰয়ৰ সৈতে হোৱা টেলিফোনিক বাৰ্তালাপত তেওঁ কয়, মুঠ 10 খন ট্ৰাকত 250 টা গৰু জব্দ কৰা হৈছে যদিও এই ঘটনাৰে জড়িত কোনো লোকক বৰ্তমানলৈ গ্ৰেপ্তাৰ কৰা হোৱা নাই । উল্লেখ্য যে, আৰক্ষী আয়ুক্ত আৰু ভাৰপ্ৰাপ্ত বিষয়াৰ ভাষ্য অমিল হোৱাটো বৰ্তমান ৰহস্যৰ আৱৰ্তত ৷
লগতে মন্ত্ৰী হিমন্ত বিশ্ব শৰ্মাক লৈ ফেচবুকত কৰা অশ্লীল মন্তব্য আৰু হত্যাৰ ভাবুকি সন্দৰ্ভত দীপক কুমাৰে কয় যে, ফেচবুকত এই মন্তব্য কৰা লোকজনক ইতিমধ্যে চিনাক্ত কৰা হৈছে । বিৰুবাৰীৰ বাসিন্দা ৰাজীৱ ৰহমান ওৰফে হাবিবুৰ ৰহমানে ই-ৰিক্সা চলাই জীৱিকা নিৰ্বাহ কৰে । বুধবাৰে হাবিবুৰ ৰহমানে পল্টন বজাৰ থানাত উপস্থিত হৈ এই ঘটনা সম্পৰ্কে এক এজাহাৰ দাখিল কৰি ঘটনাৰ লগত তেওঁ জড়িত নহয় বুলি মন্তব্য কৰে । হাবিবুৰ ৰহমানে কোনো দুষ্ট চক্ৰৰ ষড়যন্ত্ৰৰ বলি হোৱা বুলিও দাবী কৰে।
হিমন্ত বিশ্ব শৰ্মাক লৈ ফেচবুকত কৰা অশ্লীল মন্তব্য হিমন্ত বিশ্ব শৰ্মাক লৈ ফেচবুকত কৰা অশ্লীল মন্তব্য হিমন্ত বিশ্ব শৰ্মাক লৈ ফেচবুকত কৰা অশ্লীল মন্তব্য
