গুৱাহাটী,8 মাৰ্চঃ ফাইনেঞ্চৰৰ ৰূপত ৰাজ্যত সক্রিয় গাড়ী চুৰি চক্ৰ । নিজকে ফাইনেঞ্চৰৰ লোক বুলি পৰিচয় দি চুৰি কৰি লৈ যাব পাৰে আপোনাৰ বহুমূলীয়া বাহন । তেনে এক ভুৱা ফাইনেঞ্চৰৰ জালত পৰিল যোৰাবাট আৰক্ষীৰ ৰূপম শৰ্মা নামৰ ব্যক্তিগৰাকী । এনে এক চুৰিকাণ্ডৰ ঘটনা সংঘটিত হৈছে যোৰাবাটৰ বাৰমাইলৰ 6নং ৰাষ্ট্ৰীয় ঘাইপথত ।
ঘটনাৰ বিৱৰণী অনুসৰি,বিগত বৰ্ষৰ 17 ছেপ্তেম্বৰৰ দিনটোত অৰূপ শৰ্মা নামৰ লোকজনে তিনি সহযোগী ক্ৰমে ৰাজীৱ বড়ো,ৰূপক পাল আৰু চাৰিকুল চৌধুৰীৰ লগত RJ 42 G A 1845 নম্বৰৰ ট্ৰাকখনৰ কিস্তি ফেইল হোৱা বুলি কৈ ট্ৰাকখন ক্ৰেনেৰে টানি লৈ যায় । পৰৱৰ্তী সময়ত ঘটনা সম্পৰ্কে চালক প্ৰেমচন্দ্ৰ দিৱাসীয়ে ট্ৰাকখনৰ গৰাকী ৰাজেন্দ্ৰ প্ৰসাদ যাদৱক অৱগত কৰে । অৱশেষত ট্ৰাকখনৰ গৰাকীয়ে ফাইনেঞ্চৰৰ নথি-পত্ৰ পৰীক্ষাৰ কৰাৰ পিছতহে প্ৰকৃত সত্য পোহৰলৈ আহে ।
মহানগৰীত ফাইনেঞ্চৰৰূপী ট্ৰাক চোৰ