গুৱাহাটী ১৯ মাৰ্চ: হেল্থ চিটি হাস্পতালত ১৭ মাৰ্চৰ পৰা ১৯ মাৰ্চলৈ তিনিদিনীয়াকৈ অনুষ্ঠিত হৈছে কৰ্কট ৰোগৰ এক বিশেষ আলোচনা চক্ৰ (Cancer Seminar in Guwahati)। এই আলোচনা চক্ৰখনত উত্তৰ পূৰ্বাঞ্চলত ভয়াবহভাৱে বৃদ্ধি হোৱা কৰ্কট ৰোগৰ নিৰাময় তথা সজাগতাৰ ওপৰত বিষদভাৱে আলোচনা কৰা হয় (Health City Hospital in Guwahati)। ১৭ মাৰ্চৰ কাৰ্যসূচী হিচাপে উত্তৰ-পূৰ্বাঞ্চলৰ পৰা অহা নাৰ্ছসকলক প্ৰশিক্ষণ প্ৰদান কৰে ভাৰতৰ ভিন্ন স্থানৰ পৰা অহা বিশেষজ্ঞ চিকিৎসকসকলে ।
আনহাতে, ১৮ মাৰ্চত বৈজ্ঞানিক ভিত্তিত দিনজোৰাকৈ এখনি আলোচনা চক্র অনুস্থিত হয় (Cancer awareness programme in Guwahati)। উক্ত আলোচনা চক্ৰখনত উপস্থিত থাকে মুম্বাইৰ জচলক হাস্পতালৰ কৰ্কট ৰোগৰ বিশেষজ্ঞ তথা অসম বৈভৱ বঁটা প্ৰাপক ডাঃ তপন শইকীয়া (Dr Tapan Saikia recipient of Assam Baibhav Award), দিল্লীৰ এইম্ছৰ প্ৰবক্তা ডাঃ চন্দন জ্যোতি দাস, মেডান্ত হাস্পতালৰ ডাঃ দীপক শাৰীন, চেন্নাই এপল' হাস্পতালৰ ডাঃ ভেংকাট কাটিকিয়ান আদি । দেওবাৰে শেষৰ দিনটোত হেলথ্ চিটী হাস্পতালৰ অস্ত্ৰোপ্ৰচাৰ কক্ষত বিভিন্ন অস্ত্ৰোপচাৰৰ লাইভ দৃশ্য দেখুৱা হয় । এই অস্ত্ৰোপচাৰ কক্ষত উপস্থিত থাকে ভাৰতৰ বিশিষ্ট চিকিৎসক ডাঃ শৈলেশ পুনতামবেকাৰ ।