বিলাসীপাৰা,21 ডিচেম্বৰঃ সংশোধিত নাগৰিকত্ব আইন বিৰোধী সংগ্ৰামক বিপথে পৰিচালিত কৰিবলৈ চেষ্টা কৰিছে মুখ্যমন্ত্ৰী সৰ্বানন্দ সোণোৱালে ৷ এই দাবী ৰাজ্যৰ সকলো দল-সংগঠনৰ ৷ শনিবাৰৰ দিনটোত সংবাদমেলযোগে চৰকাৰৰ ওপৰত ক্ষোভ ব্যক্ত কৰে বিভিন্ন দল-সংগঠনে ৷ সংবাদমেলত চৰকাৰক উভতি ধৰে কৃষক মুক্তিৰ লগতে ভাতৃ সংগঠন ছাত্ৰ মুক্তি সংগ্ৰাম সমিতিয়ে ৷ আইনখন সম্পৰ্কে মুখ্যমন্ত্ৰী সোণোৱালে অপপ্ৰচাৰ কৰি আছে বুলি ক্ষোভ উজাৰে সংগঠনটোৱে । বিলাসীপাৰাৰ আম্বেদকাৰ ভৱনত আয়োজিত সংবাদমেলখনত ছাত্ৰ মুক্তি সংগ্ৰাম সমিতিৰ কেন্দ্ৰীয় কাৰ্যকৰী সভাপতি আশ্ৰাফুল ইছলামে কয় যে,- "কা সম্পৰ্কে ৰাইজে অপপ্ৰচাৰ কৰা নাই । বৰং ইয়াত লিপ্ত হৈছে স্বয়ং বিজেপি দলৰ নেতা-কৰ্মীসকল । চৰকাৰৰ মতে ধৰ্মীয় উৎপীড়নৰ বলি হৈ ভাৰতত আশ্ৰয় লোৱা লোককহে এই আইনে নাগৰিকত্ব প্ৰদান কৰিব । কিন্ত আইনখনৰ ক’ত ইয়াৰ উল্লেখ আছে তাক চৰকাৰে দেখুৱাব পৰা নাই ৷"
ৰাইজক গণতান্ত্ৰিক সংগ্ৰাম অব্যাহত ৰখাৰ বাবে আহ্বান সংগঠনটোৰ দলটোৰ আপোচহীন সংগ্ৰামৰ লগতে কৃষক নেতা অখিল গগৈৰ প্ৰতিবাদী কণ্ঠ ৰূদ্ধ কৰাৰ প্ৰয়াসত চৰকাৰ সফল নহয় বুলিও দাবী কৰে সংগঠনটোৰ সভাপতি ইছলামে ৷ মাওঁবাদীৰ লগত সম্পৰ্ক থকাৰ অভিযোগত ৰাষ্ট্ৰদ্ৰোহৰ গোচৰ জাপি দিয়া হৈছে কৃষক নেতা গৰাকীৰ ওপৰত । এই সম্পৰ্কে কোনো সত্যা-সত্য নাই বুলি ষ্পষ্টীকৰণ দিয়ে কেন্দ্ৰীয় কাৰ্যকৰী সভাপতি গৰাকীয়ে ৷
আম্বেদকাৰ ভৱনত সংবাদমেলৰ আয়োজন কৰে ছাত্ৰ মুক্তি সংগ্ৰাম সমিতিয়ে কৃষক নেতা অখিল গগৈ, জিতেন দত্ত, সম্পাদক ধৈৰ্য কোঁৱৰ, ছাত্ৰ মুক্তি সংগ্ৰাম সমিতিৰ সভাপতি বিতু সোণোৱাল,কাৰ্যকৰী সভাপতি মানস কোঁৱৰ, উপ-সভাপতি লক্ষজ্যোতি গগৈ সহ গ্ৰেপ্তাৰ কৰা আটাইকেইজনকে বিনাচৰ্তে মুকলি কৰি দিবলৈ ইছলামে চৰকাৰক অনুৰোধ কৰে ৷ লগতে সংবিধান ভংগ আৰু অসম চুক্তি অৱমাননাৰ অপৰাধত প্ৰধানমন্ত্ৰী মোদী, গৃহমন্ত্ৰী অমিত শ্বাহ, মুখ্যমন্ত্ৰী সোণোৱালৰ বিৰুদ্ধে ৰাষ্ট্ৰদ্ৰোহৰ গোচৰ ৰুজু কৰা উচিত বুলি দাবী কৰে ৷ চৰকাৰৰ এই দমনমূলক নীতিক ওফোৰাই ৰাইজক গণতান্ত্ৰিক সংগ্ৰাম অব্যাহত ৰখাৰ বাবে কৃষক মুক্তি-ছাত্ৰ মুক্তিয়ে আহ্বান কৰে ৷
গুৱাহাটীঃ অসম গোৰ্খা সন্মিলন,ভাৰতীয় গোৰ্খা পৰিষদ আৰু অসম ৰাজ্যিক সমিতিয়ে গুৱাহাটী প্ৰেছক্লাবত এক সংবাদমেলৰ জৰিয়তে ‘চি এ এ’ৰ বিৰোধিতা কৰে ৷ কেন্দ্ৰীয় চৰকাৰে গৃহীত কৰা আইনখন বাতিল কৰিব লাগিব বুলি সংবাদমেলখনত উত্থাপন কৰা হয় । আইনখনে অসমীয়াৰ কৃষ্টি-সংস্কৃতি বিপন্ন কৰিব লগতে ই সংবিধানৰ পৰিপন্থী ৷ সেয়ে ইয়াক গ্ৰহণ কৰা নহয় বুলি প্ৰকাশ কৰে সংগঠনকেইটাই । ইয়াৰোপৰি চৰকাৰক অসম চুক্তিৰ ৬ নং দফা কাৰ্যকৰী কৰাৰ দাবী তোলে উক্ত সংগঠনসমূহে ৷
কেন্দ্ৰীয় চৰকাৰে গৃহীত কৰা আইনখন বাতিল কৰিব লাগিব বুলি দাবী অসম গোৰ্খা সন্মিলনৰ বঢ়মপুৰঃ কামপুৰত অনুসূচিত জাতি যুৱ ছাত্ৰ পৰিষদৰ সভাপতি ৰুবুল দাসে আয়োজন কৰে এক সংবাদমেলৰ । প্ৰাক্তন আলোচনাপন্থী বিদ্ৰোহী নেতাসকলে নাগৰিকত্ইব সংশোধনী আন্দোলনত দুমুখীয়া নীতি গ্ৰহণ কৰা বুলি দাসে দাবী কৰে ৷ দাসে কয় যে, প্ৰতিবাদকাৰীৰ মাজৰ পৰাই একাংশই চৰকাৰলৈ বাতৰি প্ৰেৰণ কৰি আছে ৷ লগতে মুখ্যমন্ত্ৰীৰ সংবাদমেল সম্পৰ্কে প্ৰতিক্ৰিয়া ব্যক্ত কৰি বিজেপিৰ মন্ত্ৰী-বিধায়কক ক্ষুৰধাৰ সমালোচনা কৰে । অসমৰ ৰাইজক দমন কৰিবলৈ সৰ্বা চৰকাৰে উঠি পৰি লগা কাৰ্যক তীব্ৰ গৰিহণা দিছে অনুসূচিত জাতি যুৱ ছাত্ৰ পৰিষদৰ সভাপতিগৰাকীয়ে ৷ গণতান্ত্ৰিকভাৱে প্ৰতিবাদ কৰা ৰাইজক আক্ৰমণ নকৰিবলৈ চৰকাৰক সকীয়নি প্ৰদানৰ লগতে কোনো বিদেশীক অসমত সংস্থাপন দিয়া নহ’ব বুলি মন্তব্য কৰে ৰুবুল দাসে ।
অনুসূচিত জাতি যুৱ ছাত্ৰ পৰিষদে আয়োজন কৰে এক সংবাদমেলৰ আজাৰাঃ চানডুবিৰ বাকৰিত সংবাদমেল সম্বোধন কৰিলে চানডুবি মহোৎসৱ উদ্যোক্ততা সমিতিয়ে । শেহতীয়া পৰিস্থিতিৰ প্ৰতি লক্ষ্য ৰাখি বাতিল কৰা হ’ল দশম বাৰ্ষিক চানডুবি মহোৎসৱ ৷ নাগৰিকত্ব সংশোধনী আইনৰ বিৰুদ্ধে চলা গণ সংগ্ৰামৰ প্ৰতি সমৰ্থন জনাই চানডুবি মহোৎসৱ বাতিল কৰা বুলি জনাই উদ্যোক্তাসকলে ।
চানডুবি মহোৎসৱ বাতিল কৰে উদ্যোক্তাসকলে লগতে চাওকঃযশশ্বী জয়ছৱালৰ কাহিনী : পানীপুৰি বিক্ৰীৰ পৰা কোটি টকাৰ IPL চুক্তিলৈকে
