গুৱাহাটীত বিপদসীমা অতিক্ৰম কৰিলে ব্ৰহ্মপুত্ৰৰ জলস্তৰে

ঘন্টাত ২-৩ ছেন্টিমিটাৰকৈ বৃদ্ধি হৈ আছে লুইতৰ পানী। ইপিনে আৰু ১ মিটাৰ পানী বৃদ্ধি হ'লেই গুৱাহাটীৰ ব্ৰহ্মপুত্ৰৰ দাঁতিকাষৰীয়া এলেকা হ'ব জলমগ্ন।

গুৱাহাটী,12জুলাইঃ কৰ'ণাৰ সমান্তৰালকৈ ৰাজ্যত এতিয়া বানৰ বিভীষিকা । নেৰানেপেৰা বৰষুণৰ লগতে নীপকোয়ে পানী এৰি দিয়াৰ ফলত ওফন্দি উঠিছে ব্ৰহ্মপুত্ৰৰ জলস্তৰ । সমগ্ৰ ৰাজ্যৰ লগতে গুৱাহাটী মহানগৰীতো ভয়ংকৰ ৰূপ ধাৰণ কৰিছে ব্ৰহ্মপুত্ৰই । ইতিমধ্যেই গুৱাহাটীত বিপদসীমা অতিক্ৰম কৰিছে ব্ৰহ্মপুত্ৰৰ জলস্তৰে । ঘন্টাত ২-৩ ছেন্টিমিটাৰকৈ বৃদ্ধি হৈ আছে লুইতৰ পানী ।

বৰ্তমান ব্ৰহ্মপুত্ৰৰ জলস্তৰ ৪৮.৯৬ মিটাৰ । ইপিনে আৰু ১ মিটাৰ পানী বৃদ্ধি হ'লেই গুৱাহাটীৰ ব্ৰহ্মপুত্ৰৰ দাঁতিকাষৰীয়া এলেকা হ'ব জলমগ্ন । কেন্দ্ৰীয় জল আয়োগে ইটিভি ভাৰতৰ আগত প্ৰকাশ কৰিছে এই তথ্য। ইফালে ব্ৰহ্মপুত্ৰৰ পাৰত ৰখাই থোৱা কেইবাখনো জাহাজ ইতিমধ্যেই পানীত ডুব যোৱা পৰিলক্ষিত হৈছে ।লগতে পঢ়কঃবৰপেটাৰ গান্ধীনগৰত মৃতদেহ উদ্ধাৰ