মহানগৰীত পিষ্টল দেখুৱাই আৰক্ষীৰ জালত যুৱক

মহানগৰীৰ তেতেলীয়াত মাৰণাস্ত্ৰ দেখুৱাই আৰক্ষীৰ জালত পৰিল এজন যুৱক৷ ধৃত যুৱক জন লখিমপুৰৰ ধ্ৰুৱজ্যোতি চেতিয়া৷

গুৱাহাটী, 14 ছেপ্টেম্বৰঃ শুকুৰবাৰে নিশা মহানগৰীৰ তেতেলীয়াত মাৰণাস্ত্ৰ দেখুৱাই আৰক্ষীৰ জালত পৰিল এজন যুৱক ৷ ধৃত যুৱক জন লখিমপুৰৰ ধ্ৰুৱজ্যোতি চেতিয়া৷ তেতেলীয়াৰ ৰমেশ দাস নামৰ এজন লোকৰ ঘৰত ভাৰাতীয়া হিচাপে আছিল ধ্ৰুৱজ্যোতি চেতিয়া৷

চেতিয়াৰ বিৰুদ্ধে তেওঁৰ ঘৰৰ মালিকৰ সৈতে কোনো কথাত মতানৈক্য ঘটাত পিষ্টল উলিয়াই মালিকক ভাবুকি প্ৰদান কৰাৰ অভিযোগ উত্থাপিত হৈছে ৷ এই অভিযোগতে জালুকবাৰী আৰক্ষীয়ে চেতিয়াক আটক কৰে ৷ ইয়াৰোপৰিও আৰক্ষীয়ে যুৱক জনৰ পৰা এটা পিষ্টল জব্দ কৰে৷ ইফালে ধৃত চেতিয়াই এই সমগ্ৰ ঘটনাক ষড়যন্ত্ৰ আখ্যা দি পিষ্টলটো ৰেটিং খেলৰ বাবেহে অনা হৈছিল বুলি জানিবলৈ দিয়ে৷ লগতে কোনো কাৰণ নোহোৱাকৈয়ে একাংশ ৰাইজে তেওঁক মাৰধৰ কৰা বুলি অভিযোগ কৰে ধ্ৰুৱজ্যোতি চেতিয়াই৷ অৱশ্যে আৰক্ষীৰ তদন্তৰ পিচতহে ঘটনাৰ প্ৰকৃত ৰহস্য পোহৰলৈ আহিব ৷