বৰ্নিহাট পে'ট্ৰল পাম্পত ডকাইটিৰ লগত জড়িত 5 জন গ্ৰেপ্তাৰ

জব্দ কৰে ML-05-D-0229 নম্বৰৰ মাৰুটি কাৰৰ লগতে ডকাইটি কাণ্ডত ব্যৱহাৰ হোৱা পিষ্টল

গুৱাহাটী, 14 মাৰ্চঃ বৰ্নিহাট ষ্টাৰ এনাৰ্জী চাৰ্ভিচ ষ্টেচন পে'ট্ৰল পাম্পৰ ডকাইটি কাণ্ডৰ লগত জড়িত পাঁচ জনক গ্ৰেপ্তাৰ বৰ্নিহাট আৰক্ষীৰ ৷ 16 ফেব্ৰুৱাৰীত মেঘালয় বৰ্নিহাটৰ ১৮ মাইলত অৱস্থিত ষ্টাৰ এনাৰ্জী চাৰ্ভিচ ষ্টেচন নামৰ পে'ট্ৰল পাম্পত পাঁচজনীয়া এটা ডকাইতৰ দলে পিষ্টল দেখুৱাই লুটি নিছিল প্ৰায় ৭ লাখ টকা ৷ এই সমগ্ৰ দৃশ্য বন্দীহৈছিল চিচি টিভি কেমেৰাত ৷ পে'ট্ৰল পাম্পৰ মেনেজাৰৰ গোচৰ আৰু কেমেৰাত বন্ধী হোৱা দৃশ্যৰ ভিত্তিতে বৰ্নিহাট আৰক্ষীয়ে গ্ৰেপ্তাৰ কৰিবলৈ সক্ষম হয় ডকাইতৰ দলটো ৷ লগতে জব্দ কৰে ML-05-D-0229 নম্বৰৰ মাৰুটি কাৰৰ লগতে ডকাইটি কাণ্ডত ব্যৱহাৰ হোৱা পিষ্টল ৷ আনহাতে, এই পৰ্যন্ত ডকাইতৰ দলটোৱে লুটি নিয়া 7 লাখ টকা লাভ কৰা নাই বুলি মন্তব্য কৰে বৰ্নিহাট আৰক্ষীয়ে ৷

উল্লেখ্যযে, এই ডকাইতৰদলটোৱে বিগত জানুৱাৰী মাহতো আন এটা ডকাইটি কাণ্ড সংঘটিত কৰে বুলি জানিবলৈ দিয়ে আৰক্ষীয়ে ৷ তাৰোপৰি, চলিত মাহটো আন এটা পে'ট্ৰল পাম্পত ডকাইতিৰ পৰিকল্পনা কৰা বুলি আৰক্ষীৰ আগত স্বীকাৰোক্তি দিয়ে পাঁচ জনীয়া ডকাইতৰ দলটোৱে ৷