গুৱাহাটী , 1 মাৰ্চঃ দেওবাৰে গুৱাহাটীত উপস্থিত হ’ল বলিউদৰ জনপ্ৰিয় অভিনেত্ৰী য়ামি গৌতম ৷ গুৱাহাটীত অনুস্থিত হ'বলগীয়া THE GREAT GUWAHATI MARATHAN অনুষ্ঠানৰ উদ্বোধন কৰিবৰ বাবে আমন্ত্ৰিত অভিনেত্ৰীগৰাকী আহি গুৱাহাটীৰ বৰঝাৰ বিমান বন্দৰত উপস্থিত হোৱাৰ পাছতেই অভিনেত্ৰী গৰাকীক আদৰণি জনায় শতাধিক অনুৰাগীয়ে ৷ উল্লেখযোগ্য যে, দেশ বিদেশৰ প্ৰায় ৪ হাজাৰ প্ৰতিযোগিয়ে অনলাইন যোগে আৱেদন জনোৱা এই মাৰাথনত অংশগ্ৰহণ কৰিব সৰ্বমুঠ ৬ হাজাৰ প্ৰতিযোগীয়ে ৷
৬ হাজাৰ প্ৰতিযোগীয়ে অংশগ্ৰহণ কৰিব THE GREAT GUWAHATI MARATHAN ত
বৰঝাৰ বিমান বন্দৰত উপস্থিত হোৱাৰ পাছতেই অভিনেত্ৰী গৰাকীক অনুৰাগী সকলে এখন ফুলাম গামোছাৰে আদৰণি জনাবলৈ আগবাঢ়ে যদিও গামোছাখন গ্ৰহণ কৰিবলৈ অমান্তি হয় অভিনেত্ৰী গৰাকী ৷ অভিনেত্ৰী গৰাকীয়ে কিয় গামোছাখন গ্ৰহণ নকৰিলে তাৰ কোনো বাখ্যা আগবঢ়োৱা নাই যদিও অভিনেত্ৰী গৰাকীৰ এই ব্যৱহাৰে নিৰাশ কৰে তেখেতৰ অনুৰাগী সকলক ৷