খানাপাৰাত বিজেপিৰ বুথ কমিটিৰ বিশাল সভা

শাসকীয় বিজেপি দলৰ বুথ কমিটিৰ সভা খানাপাৰা পশু চিকিৎসা মহাবিদ্যালয় খেলপথাৰত ৷ লাখ লাখ বিজেপি কৰ্মীৰ উপস্থিতিত মুখ্যমন্ত্ৰী সৰ্বানন্দ সোণোৱাল, হিমন্ত বিশ্ব শৰ্মা, ৰঞ্জিৎ দাস তথা বিজেপি ৰাষ্ট্ৰীয় কাৰ্যকৰী সভাপতি জে.পি নড্ডা তথা ৰাম মাধৱকে ধৰি বহুজনে অংশগ্ৰহণ কৰে ৷

গুৱাহাটী, 4 জানুৱাৰীঃ নাগৰিকত্ব সংশোধনী আইনৰ মাজতে শাসকীয় বিজেপি দলৰ বুথ কমিটিৰ সভা ৷ খানাপাৰা পশু চিকিৎসা মহাবিদ্যালয় খেলপথাৰত লাখ লাখ বিজেপি কৰ্মীৰ উপস্থিতিত মুখ্যমন্ত্ৰী সৰ্বানন্দ সোণোৱাল, হিমন্ত বিশ্ব শৰ্মা, ৰঞ্জিৎ দাস তথা বিজেপি ৰাষ্ট্ৰীয় কাৰ্যকৰী সভাপতি জে.পি নড্ডা তথা ৰাম মাধৱকে ধৰি বহুজনে অংশগ্ৰহণ কৰে ৷

মুখ্যমন্ত্ৰী সৰ্বানন্দ সোণোৱাল এই সভাৰ ভাষণত কেতবোৰ গুৰুত্বপূৰ্ণ বিষয় উত্থাপন কৰে ৷ অহা 7 জানুৱাৰীৰ পৰা 11 জানুৱাৰীলৈ বিজেপিৰ বুথে বুথে সম্পৰ্ক অভিযান চলিব বুলি উল্লেখ কৰে ৷ নাগৰিকত্ব সংশোধনী আইনক লৈ চলা অপপ্ৰচাৰৰ ৰোধৰ বাবে ঘৰে ঘৰে এই সম্পৰ্ক অভিযান কৰা হ’ব বুলি মুখ্যমন্ত্ৰীয়ে প্ৰকাশ কৰে ৷ আনহাতে 12 জানুৱাৰীত যুৱ সম্পৰ্ক অভিযান নামেৰে এক নতুন অভিযান আৰম্ভ কৰা হ’ব ৷ ইয়াৰোপৰি 17 জানুৱাৰীত সমূহ মণ্ডলতে শিল্পী দিৱস উদযাপিত কৰা হ’ব বুলিও তেওঁ মন্তব্য প্ৰদান কৰে ৷ আনহাতে অহা 20ৰ পৰা 25 জানুৱাৰীলৈ ভোটাৰ তালিকা পৰ্যবেক্ষণ কৰা হ’ব লগতে 26 জানুৱাৰীত মণ্ডল পৰ্যায়ত গণতন্ত্ৰ দিৱস পালন কৰিব বিজেপিয়ে। ইয়াৰোপৰি 30 জানুৱাৰীত মণ্ডল পৰ্যায়ত মহাত্মা গান্ধীৰ মৃত্যু দিৱস পালন কৰিব বিজেপিয়ে ৷ আনহাতে বিজেপিয়ে নাগৰিকত্ব সংশোধনী আইন সমৰ্থনত মিছ্ড ক’ল অভিযান আৰম্ভ কৰিছে ৷ 8866288662 নম্বৰত মিছ্ড ক’ল দি সমৰ্থন জনাব পাৰিব বুলিও মন্তব্য প্ৰদান কৰে ৷ ইয়াৰোপৰি বিজেপি থকালৈকে অসমীয়া মানুহ সুৰক্ষিত । নাগৰিকত্ব সংশোধনী আইনে অসমীয়া মানুহৰ অস্বিত্ব বিপদাপন্ন কৰিব নোৱাৰে আৰু তাৰ বাবে কেন্দ্ৰীয় আৰু অসম চৰকাৰে ব্যৱস্থা গ্ৰহণ কৰিছে বুলিও মন্তব্য প্ৰদান কৰে মুখ্যমন্ত্ৰীয়ে ৷ আনহাতে কাৰোবাৰ ষড়যন্ত্ৰত পৰি আমাক সন্দেহ নকৰিব যোৱা তিনি বছৰত আমি কিবা বেয়া কাম কৰিছো নেকি? অনাহকত আমাক সন্দেহ নকৰিব বুলিও উল্লেখ কৰে সৰ্বানন্দ সোণোৱালে ৷

আনহাতে মন্ত্ৰী হিমন্ত বিশ্ব শৰ্মাই এই সভাত এই গণতান্ত্ৰিক আন্দোলনৰ নামত কোনোবাই মুখ্যমন্ত্ৰী হোৱাৰ সপোন দেখিছে আৰু ৰাজনৈতিক দল খোলাৰ সপোন দেখিছে তাক বিজেপিয়ে ৰাজনৈতিক ভাৱে প্ৰত্যুত্তৰ দিব বুলি উল্লেখ কৰে ৷ আনহাতে কাৰোবাৰ পিতৃ-মাতৃক আক্ৰমণ কৰি আন্দোলন নহয়, অসম আন্দোলন চান্দাৰ ওপৰত চলা নাছিল। অসম আন্দোলনত ফাঁচী বজাৰৰ দোকান বন্ধ কৰিব লগা নাছিল বুলি কটাক্ষ কৰে হিমন্ত বিশ্ব শৰ্মাই ৷ ইয়াৰোপৰি কোনোবাই যদি কয় ভগৱান নাই মই ভগৱান নামানো তেন্তে আমি এইখন মঞ্চৰ মাজৰ পৰা কৈছো আমি ভগবান মানিম। বাঁওপন্থী চিন্তাৰে ভগবান নাই বুলি কৰা আন্দোলন নালাগে ৷ আছুয়ে ১৯৭১ চনৰ ভিত্তি বৰ্ষ কৰিব বুলি জনা হ’লে খৰ্গেশ্বৰ তালুকদাৰে মৃত্যুবৰণ কৰিলে হেতেন নেকি বুলিও প্ৰশ্ন উত্থাপন কৰে মন্ত্ৰীগৰাকীয়ে ৷ আনহাতে 1951 ৰ পৰা 1971 কৰিছে সেয়া কি বিশ্বাসঘাতকতা নহয় নেকি? বুলিও উল্লেখ কৰে ৷
লগতে যিসকলে লতাশিলৰ তথআ চানমাৰিৰ পৰা আন্দোলনৰ তদাৰকী কৰি আছে সেইসকলক ক’ম এয়া কেৱল বিজেপিৰ জনপ্ৰতিনিধিৰ সভাহে । কাৰ্যকৰ্তা কল এতিয়াও ঘৰত বহিয়েই আছে । এই বুলি আছুক কটাক্ষ কৰে হিমন্ত বিশ্ব শৰ্মাই ৷ লগতে প্ৰফুল্ল মহন্তক কটাক্ষ কৰি কয় যে অহাবাৰ নিৰ্বাচনত বঢ়মপুৰ সমষ্টিৰ ৰাইজে বিশ্বাসঘাটকতাৰ প্ৰত্যুত্তৰ দিব বুলিও উল্লেখ কৰে ৷

আনহাতে এই সভাত বিজেপি ৰাষ্ট্ৰীয় কাৰ্যকৰী সভাপতি জে.পি নড্ডা তথা ৰাম মাধৱেও নিজৰ ভাষণ প্ৰদান কৰে ৷

আৰু পঢ়কঃCAA ৰ বিৰুদ্ধে প্ৰতিবাদত অটল অসমীয়া