ভৰলুমুখত অগ্নিত জাহ গ’ল পৰিত্যক্ত বাহন

দীৰ্ঘদিন ধৰি সোণাৰাম খেলপথাৰত পৰিত্যক্ত অৱস্থাত থকা এখন বাহনত আকস্মিকভাৱে জুই লাগে ৷ ঘটনাস্থলীত অগ্নি নিৰ্বাপকবাহিনী উপস্থিত হৈ নিৰ্বাপণ কৰে জুই।

গুৱাহাটী,8 জানুৱাৰীঃমহানগৰীৰ ভৰলুমুখত বুধবাৰে দাওদাওকৈ জ্বলি উঠে এখন বাহন ৷ দীৰ্ঘদিনে সোণাৰাম খেলপথাৰত পৰিত্যক্ত অৱস্থাত আছিল ভস্মীভূত হোৱা চাৰিচকীয়া বাহনখন ৷ জুইৰ লেলিহান শিখাই নিমিষতে ছাৰখাৰ কৰে বাহনখন। ঘটনাস্থলীত অগ্নি নিৰ্বাপক বাহিনী উপস্থিত হৈ নিৰ্বাপণ কৰে জুই । কিন্তু জুইত সম্পূৰ্ণৰূপে ভস্মীভূত হয় বাহনখন।

জুইত জাহ যোৱা বাহনখনৰ নম্বৰ হৈছে WB-06E-5265। উল্লেখ্য যে,ভৰলুমুখ আৰক্ষীয়ে ঘটনা সন্দৰ্ভত আৰম্ভ কৰিছে তদন্ত প্ৰক্ৰিয়া। কিন্তু বৰ্তমানলৈকে এই সন্দৰ্ভত কোনো তথ্য যুগুত কৰিবলৈ সক্ষম হোৱা নাই আৰক্ষী ৷

লগতে চাওকঃসৰ্থেবাৰীত কৃষক মুক্তি সংগ্ৰাম সমিতিৰ 'কা' বিৰোধী প্ৰতিবাদ