গুৱাহাটী,24 ছেপ্তেম্বৰঃ মহানগৰীৰ আদাবাৰীত এগৰাকী অস্ত্ৰধাৰী যুৱকৰ গুণ্ডাগিৰি। কৰ্তব্যৰত আৰক্ষীক পিস্তল দেখুওৱাই প্ৰাণে মৰাৰ ভাবুকি দিয়াৰ অভিযোগ উত্থাপিত হৈছে । জালুকবাৰী আৰক্ষী থানাৰ যানবাহন নিয়ন্ত্ৰণ শাখাৰ কনিষ্টবল জ্যোতিষ ডেকাই উত্থাপিত কৰিছে এই অভিযোগ । আৰক্ষী জোৱান জনৰ অভিযোগ অনুসৰি চলিত মাহৰ ২২ তাৰিখে আদাবাৰী তিনিআলিত যানবাহন নিয়ম উলংঘা কৰি নিজৰ চাৰিচকীয়া বাহনখন লৈ আঁতৰি গৈছিল পংকজ মজুমদাৰ নামৰ যুৱকজনে । সেই সময়ত যানবাহন নিয়ন্ত্ৰণৰ দায়িত্বত থকা জ্যোতিষ ডেকাই বাহনখন ৰখাবলৈ কৈছিল যদিও বিভিন্ন অযুহাতেৰে তৰ্কত লিপ্ত হৈছিল পংকজ মজুমদাৰ । পৰৱৰ্তী সময়ত কোনো জৰিমনা নিবিহাকৈয়ে আৰক্ষীয়ে যাবলৈ দিছিল পংকজ মজুমদাৰক।
যানবাহন নিয়ন্ত্ৰণ শাখাৰ আৰক্ষীক প্ৰাণে মৰাৰ ভাবুকি ! কিন্তু হঠাৎ বৃহস্পতিবাৰে পুৱাই পুনৰ কৰ্তব্যৰত অৱস্থাত যানবাহন নিয়ন্ত্ৰণ শাখাৰ কনিষ্টবল জ্যোতিষ ডেকাক আগছি ধৰে পংকজ মজুমদাৰে । আৰক্ষী কনিষ্টবলগৰাকীৰ অভিযোগ, সেই সময়তে পিস্তল উলিয়াই প্ৰাণে মৰাৰ ভাবুকি দিয়ে পংকজ মজুমদাৰে । কেৱল ইমানেই নহয় শাৰিৰীক ভাৱেও জোৱান গৰাকীক অপদস্থ কৰাৰ অভিযোগ পংকজ মজুমদাৰৰ বিৰুদ্ধে । ইতিমধ্যে সমগ্ৰ ঘটনা আৰক্ষী জোৱানজনে অৱগত কৰিছে মহানগৰ আৰক্ষীৰ শীৰ্ষ বিষয়াসকলক । বাতৰি প্ৰস্তুত কৰা সময়লৈকে অৱশ্যে আৰক্ষী জোৱানজনে ঘটনা সন্দৰ্ভত দাখিল কৰা নাই কোনো এজাহাৰ । কিন্তু ঘটনাৰ বিষয়ে জ্ঞাত হৈও ৰহস্যজনক ভাৱে ইয়াক গাপ দি ৰখাৰ চেষ্টা চলাইছে একাংশ শীৰ্ষ আৰক্ষী বিষয়াই । অৱশ্যে ঘটনাটোক কিয় গাপ দিব বিচাৰিছে সেয়া বৰ্তমানেও ৰহস্যজনক !
যানবাহন নিয়ন্ত্ৰণ শাখাৰ আৰক্ষীক প্ৰাণে মৰাৰ ভাবুকি ! লগতে পঢ়কঃবৰপেটাত আধাৰ কাৰ্ড প্ৰস্তুতৰ নামত হাৰাশাস্তিৰ অভিযোগ
