গুৱাহাটী,29 এপ্ৰিল: সান্ধ্য আইনৰ মাজতে বুধবাৰে নিশা গুৱাহাটী মহানগৰীত সংঘটিত হয় এক লুটপাত । আৰক্ষী সঞ্চালক প্ৰধানৰ কাৰ্যালয়ৰ সমীপত থকা এটিএম ভাঙি লুটপাত চলালে দুৰ্বৃত্তই । এফালে সান্ধ্য আইন আৰু আনফালে অসম আৰক্ষীয়ে গিজগিজাই থকা নিশাৰ গুৱাহাটী । কোনো যেন কেৰেপেই নকৰে দুৰ্বৃত্তই ।
এটিএম ভাঙি থকা অৱস্থাতে দুৰ্বৃত্তক হাতে-লোটে ধৰা পেলালে পল্টনবজাৰ আৰক্ষীয়ে । আৰক্ষীয়ে গ্ৰেপ্তাৰ কৰিবলৈ সক্ষম হয় কুলদীপ নাথ নামৰ চোৰটোক । আনহাতে এই কাণ্ডত জড়িতৰ সন্দেহত আন দুজনকো আটক কৰিছে আৰক্ষীয়ে ।
এটিএমত লুটপাত চলালে দুৰ্বৃত্তই