গুৱাহাটী,24 মে’ : অসমীয়া চলচ্চিত্ৰ জগতৰ জনপ্ৰিয় পৰিচালক দাৰা আহমেদৰ দেহাৱসান । সোমবাৰে পুৱা গুৱাহাটীৰ এপল’ হাস্পতালত মৃত্যু হয় পৰিচালকগৰাকীৰ । দাৰা আহমেদৰ জ্যেষ্ঠ ভনীয়েক তথা বিশিষ্ট সাহিত্যিক, গীতিকাৰ এলি আহমেদে জনোৱা মতে, দেওবাৰে দুপৰীয়া ভাগত ভাত খাই উঠাৰ পাচতেই হঠাৎ বুকুত বিষ অনুভৱ কৰাত ততালিকে তেওঁক এপল’ হাস্পতালক ভৰ্তি কৰোৱা হয় ৷ চিকিৎসকে লগে লগে আইচিইউত ভৰ্তি কৰে পৰিচালকগৰাকীক ।
সোমবাৰে পুৱা গুৱাহাটীৰ এপল’ হাস্পতালত জনপ্ৰিয় পৰিচালক দাৰা আহমেদৰ দেহাৱসান
কিন্তু আইচিইউৰ পৰা সুস্থ হৈ উঠিব নোৱাৰি সোমবাৰে পুৱা চিকিৎসালয়তে শেষ নিশ্বাস ত্যাগ কৰে জনপ্ৰিয় পৰিচালক দাৰা আহমেদে । মৃত্যুৰ সময়ত তেওঁৰ বয়স আছিল 72 বছৰ ৷