কোন হ'ব অসম সাহিত্য সভাৰ পৰৱৰ্তী সভাপতি! আজিৰে পৰা বলবৎ নিৰ্বাচনী আঁচৰণ বিধি

দেওবাৰৰ পৰা বলবৎ হ'ল অসম সাহিত্য সভাৰ নিৰ্বাচনী আচৰণ বিধি ৷ সাহিত্য সভাৰ মুখ্য নিৰ্বাচনী বিষয়া হিচাপে নিযুক্তি দিয়া হৈছে গুৱাহাটী উচ্চ ন্যায়ালয়ৰ প্ৰাক্তন ন্যায়ধীশ বিপ্লৱ কুমাৰ শৰ্মাক ৷ মহানগৰীত এখন সংবাদমেল সম্বোধন কৰি এই ঘোষণা কৰে অসম সাহিত্য সভাৰ নিৰ্বাচনী বিষয়া বিজন মহাজনৰ ৷

গুৱাহাটী, 22 চেপ্তেম্বৰ : অসম সাহিত্য সভাৰ আগন্তুক 2020-22 বৰ্ষৰ সভাপতি,উপ সভাপতি আৰু প্ৰধান সম্পাদক পদৰ নিৰ্বাচনী কাম-কাজ দেওবাৰৰ পৰা আৰম্ভ হয় ৷ মহানগৰীত এখন সংবাদমেল সম্বোধন কৰি এই তথ্য সদৰি কৰে সাহিত্য সভাৰ সভাপতি পৰমানন্দ ৰাজবংশী আৰু সাহিত্য সভাৰ নিৰ্বাচনী বিষয়া বিজন মহাজনে । নিৰ্বাচনী কমিটিৰ মুখ্য নিৰ্বাচনী বিষয়া হিচাপে নিযুক্তি দিয়া হৈছে গুৱাহাটী উচ্চ ন্যায়ালয়ৰ প্ৰাক্তন ন্যায়ধীশ বিপ্লৱ কুমাৰ শৰ্মাক ৷ আনহাতে কমিটিখনত নিৰ্বাচনী বিষয়া হিচাপে থাকিব বিজন মহাজন আৰু এছ পি ৰয় ৷ আগন্তুক তিনি আৰু চাৰি তাৰিখে গুৱাহাটী প্ৰশাসনীয় কাৰ্যালয়ত দিনৰ 11 বজাত প্ৰাৰ্থীসকলে দাখিল কৰিব লাগিব মনোনয়ন পত্ৰ ৷

ইপিনে, অসম সাহিত্য সভাৰ এইবাৰৰ নিৰ্বাচন সম্পূৰ্ণৰূপে সাংবিধানিক গণ্ডীৰ ভিতৰত হ'ব ৷ দেওবাৰৰ পৰা বলবৎ হ'ল আচৰণ বিধি ৷ নিৰ্বাচনৰ ফলাফল ঘোষণাৰ পাচতো বলবৎ থাকিব আচৰণ বিধি ৷ আগন্তুক 1 ডিচেম্বৰ পৰা 10 ডিচেম্বৰ লৈ জিলা আৰু শাখা সাহিত্য সভাসমূহে ডাকযোগে সাব্যস্ত কৰিব ভোটদান । 15 ডিচেম্বৰত ঘোষণা কৰা হ'ব ফলাফল ৷ যি সকল প্ৰাৰ্থীয়ে মনোনয়ন পত্ৰ দাখিলৰ সময়চোৱাত নিজৰ জীৱনপঞ্জি দাখিল কৰিব লাগিব বুলিও সংবাদমেলযোগে অৱগত কৰে সাহিত্য সভাৰ সভাপতি পৰমানন্দ ৰাজবংশীয়ে ৷