গুৱাহাটী, ৪ জুনঃ মালিগাঁৱৰ ছেইন্ট বিবেকানন্দ ইংলিছ একাডেমীত 'PRODIGY COMMUNICATIONS' নামৰ সংস্থাটোৰ লগতে যানবাহন আৰক্ষীৰ উদ্যোগত এক সজাগতামূলক অনুষ্ঠান অনুষ্ঠিত হয় । ৰাইজ তথা ছাত্ৰ-ছাত্ৰীক যান-বাহন সম্পৰ্কে সজাগ কৰাৰ উদ্দেশ্যে আয়োজন কৰা হয় এই অনুষ্ঠানৰ ।
'PRODIGY COMMUNICATIONS' নামৰ সংস্থাটোৱে ৰাইজক যানবাহন আইন সম্পৰ্কে জনোৱাৰ লক্ষ্যৰে বিভিন্ন বিদ্যালয়-মহাবিদ্যালয়ত সজাগতামূলক অনুষ্ঠানৰ আয়োজন কৰি আহিছে । আজিৰ সজাগতা অনুষ্ঠানত বিদ্যালয়খনত প্ৰায় ২০০ ছাত্ৰ-ছাত্ৰীয়ে অংশগ্ৰহণ কৰে । লগতে এই সজাগতা সভাত আৰক্ষী বিষয়া প্ৰণৱজ্যোতি গোস্বামীয়ে যানবাহন আইন সম্পৰ্কে ভাষণ প্ৰদান কৰে । চিটবেল্ট লগোৱা, হেলমেটৰ প্ৰয়োজনীয়তা, জেব্ৰা ক্ৰছিং আদিৰ বিষয়ে ছাত্ৰ-ছাত্ৰীসকলক জনায় গোস্বামীয়ে ।
লগতে আন এটা বাতৰি- 39 ৰাষ্ট্ৰীয় ৰাইফল্চৰ তত্ত্বাবধানত বেকাৰী প্ৰকল্প