নিউজ ডেস্ক, 29 জুলাই :অসম-মিজোৰামৰ মাজত সংঘটিত সীমা সংঘাতক লৈ তীব্ৰ উচতনিমূলক মন্তব্য আগবঢ়াইছে মিজোৰামৰ ৰাজ্যসভাৰ সাংসদ কে ভানলালভেনাই ৷ ভানলালভেনাই কয় যে, ‘‘অসম আৰক্ষী সৌভাগ্যৱান ৷ পৰৱৰ্তী সময়ত অসম আৰক্ষী পুনৰ সীমান্তলৈ আহিলে সকলোকে মাৰি পেলাম ৷’’ এই সন্দৰ্ভত ইতিমধ্যে অসম আৰক্ষীয়ে সাংসদজনৰ বিৰুদ্ধে নিজাববীয়াকৈ ৰুজু কৰিছে এটা গোচৰ ৷ সীমা বিবাদৰ ঘটনাত গভীৰ ষড়যন্ত্ৰ থকাৰ উমান পাইছে আৰক্ষীয়ে ৷
এই ষড়যন্ত্ৰত ভানলালভেনাই সক্ৰিয় ভূমিকাৰ পৰিচায়ক হিচাপে দিয়া এক সংবাদ মাধ্যমৰ সাক্ষাৎকাৰক ভিত্তি কৰি ব্যৱস্থা লোৱা হৈছে ৷ ইতিমধ্যে, ঘটনাটোৰ আঁৰৰ ষড়যন্ত্ৰ সম্পৰ্কত আইনী ব্যৱস্থা ল'বলৈ চিআইডি(CID) ৰ বিষয়াসহ অসম আৰক্ষী(Assam Police) ৰ এটা দল দিল্লীলৈ ৰাওনা হৈছে । টুইটাৰ যোগে অসম আৰক্ষীৰ সঞ্চালক প্ৰধান ভাস্কৰজ্যোতি মহন্ত আৰু বিশেষ সঞ্চালক প্ৰধান জি পি সিঙে এই কথা অৱগত কৰিছে ৷
এই সম্পৰ্কত অসম আৰক্ষীয়ে ইতিমধ্যে এখন ছবি গেলেৰী(picture gallery) প্ৰস্তুত কৰিছে ৷ এই ছবি গেলেৰীখনক সম্প্ৰতি আৰু অধিক আপডেট কৰি থকা হৈছে ৷
মিজোৰাম আৰক্ষীৰ জোৱান(Mizoram Police personnel) আৰু অসামৰিক দুৰ্বৃত্তৰ যিসকলে অসম আৰক্ষীৰ ওপৰত গুলীচালনা কৰিছিল সেই সকলৰ বিৰুদ্ধে জমা হোৱা প্ৰমাণ সমূহ এই গেলেৰীত অন্তৰ্ভুক্ত কৰা হৈছে । তেওঁলোকক আইনৰ আওতালৈ অনা হ'ব বুলিও নিশ্চিত কৰিছে আৰক্ষীয়ে । ২০২১ চনৰ ২৬ জুলাইত অসম আৰক্ষীৰ জোৱানসকলৰ বৰ্বৰ হত্যাকাণ্ড( barbaric killing of the Assam Police personnel)ত জড়িত প্ৰতিজন ব্যক্তিক গ্ৰেপ্তাৰ কৰাৰ বাবে তথ্যৰ যোগান ধৰা লোকক ৫ লাখ টকাৰ পুৰস্কাৰ দিয়া হ’ব বুলিও অসম আৰক্ষীয়ে ঘোষণা কৰিছে ।
বুধবাৰে, অসম আৰক্ষী(Assam police)য়ে যোৱা ২৬ জুলাইত কাছাৰ জিলাৰ লাইলাপুৰত অসম-মিজোৰাম সীমান্তত হোৱা অসম আৰক্ষীৰ জোৱানৰ হত্যা সম্পৰ্কীয় এটা গোচৰ ৰুজু কৰিছে । ৰুজু কৰা গোচৰটো হৈছে ধলাই থানাৰ গোচৰ নং 236/21, ৰ ধাৰা 120(বি)(120 (b), 447, 336, 379, 333, 307, 302 আইপিচিৰ অধীনত অস্ত্ৰ আইন(arms act)ৰ ধাৰা 25(1-A) ৷ ইয়াৰ লগতে ৰাজহুৱা সম্পত্তিৰ ক্ষতি প্ৰতিৰোধ আইন 1984(Prevention of Damage to Public Property Act 1984)ৰ ধাৰা 3(Section3) এই গোচৰ ৰুজু কৰা হৈছে ।
লগতে পঢ়ক :বিবদমান ভূমিৰ প্ৰকৃত গৰাকী অসম নহয় মিজোৰাম হে : চি লালৰচাংগা
