গুৱাহাটী,২১ মাৰ্চ: সমগ্ৰ দেশৰ লগতে ২৮-২৯ মার্চত অসমতো ৪৮ ঘণ্টাৰ বাবে ব্যাহত হ’ব যাতায়ত ব্যৱস্থা (48 Hours Chakka Bandh on March 28 29 ) । মটৰ শ্ৰমিক সংগঠন সমূহে মটৰ শ্ৰমিক কল্যাণ আঁচনি কাৰ্যকৰী কৰা, যান বাহনৰ অত্যাধিক জৰিমনা প্ৰত্যাহাৰ, ক’ভিড কালৰ সাহায্য মটৰ শ্ৰমিকসকলক প্ৰদান কৰা আদি দাবীৰে কেন্দ্ৰীয় ট্ৰেড ইউনিয়ন আৰু ফেডাৰেচন সমূহে আহ্বান জনোৱাঁ দুদিনীয়া চকাবন্ধলৈ মুকলি সমৰ্থন জনাইছে অসম মটৰ শ্ৰমিক সংগঠনসমূহৰ যৌথ মঞ্চই ।
সোমবাৰে দিছপুৰ প্ৰেছ ক্লাৱত এক সংবাদমেল যোগে এই কথা ঘোষণা কৰে বীৰেন শৰ্মাই । উল্লেখ্য যে চকাবন্ধ সফল কৰা বাবে জনতাৰ লগতে গাড়ীৰ গৰাকীসকলক আহ্বান জনায় শৰ্মাই কয়, বন্ধৰ সময়ছোৱাত পৰীক্ষাৰ্থী, গাখীৰ, পানীযোগান, বিজুলী, জৰুৰী-অত্যাৱশ্যকীয় সেৱাসমূহক ৰেহাই প্ৰদান কৰা হৈছে ।