অসম-মিজোৰাম সীমান্ত সংঘাত: তিনি আৰক্ষী অধীক্ষকৰ সাল-সলনি

অশান্ত জৰ্জৰ অসম-মিজোৰাম সীমান্ত ৷ এতিয়াও শান্ত হোৱা নাই লাইলাপুৰ ৷ সীমান্ত পৰিস্থিতি নিয়ন্ত্ৰণ কৰিবলৈ আজি অৰ্থাৎ ধবাৰে অসমৰ তিনিখন জিলাৰ আৰক্ষী অধীক্ষকক সাল-সলনি ঘটাইছে ৰাজ্যৰ গৃহ বিভাগে ।

গুৱাহাটী, 28 জুলাই : বৰাক উপত্যকাৰ অসম-মিজোৰাম সীমান্তত সংঘটিত ঘটনাৰ পিছত বুধবাৰে অসমৰ তিনিখন জিলাৰ আৰক্ষী অধীক্ষকক সাল-সলনি কৰিছে ৰাজ্যৰ গৃহ বিভাগে । সেই অনুসৰি বৰাক উপত্যকাৰ দুই জিলা কাছাৰ আৰু হাইলাকান্দিৰ লগতে বি টি আৰৰ অন্তৰ্গত চিৰাং জিলাৰ আৰক্ষী অধীক্ষকক বদলি কৰা হৈছে ।

নি আৰক্ষী অধীক্ষকক বদলি

গৃহ বিভাগৰ নিৰ্দেশ অনুসৰি আই পি এছ বিষয়া ৰমনদীপ কৌৰক কাছাৰৰ নতুন আৰক্ষী অধীক্ষকৰূপে নিযুক্তি দিয়া হৈছে । তেওঁ হাইলাকান্দিৰ আৰক্ষী অধীক্ষক হিচাপে কাৰ্যনিৰ্বাহ কৰি আছিল ।

একেদৰে চিৰাঙৰ আৰক্ষী অধীক্ষক হিচাপে কাৰ্যনিৰ্বাহ কৰি থকা আই পি এছ বিষয়া গৌৰৱ উপাধ্যায়ক হাইলাকান্দিৰ আৰক্ষী অধীক্ষক পদলৈ বদলি কৰা হৈছে । আনহাতে, ট্ৰেফিকৰ ডি চি পি হিচাপে কাৰ্যনিৰ্বাহ কৰি থকা প্ৰাণজিৎ বৰাক চিৰাঙৰ আৰক্ষী অধীক্ষক হিচাপে বদলি কৰা হৈছে ।

লগতে পঢ়ক:গ্ৰীণ কৰিডৰেৰে কাছাৰৰ SP ক উন্নত চিকিৎসাৰ বাবে মুম্বাইলৈ প্ৰেৰণ